पुणे – एसटी आणि टेम्पोच्या भीषण अपघातात रविवारी मध्यरात्री दीडच्या सुमारास नऊ ठार झाले आहेत. रस्त्याच्या कडेला कांद्याने भरलेल्या टेम्पोचे पंक्चर काढत असताना पुणे- नाशिक महामार्गावर नारायणगावजवळ भरधावएस.टी. बस टेम्पोवर आदळली. अपघातातील १० गंभीर जखमींना जवळच्या रुग्णालयात दाखल करण्यात आले आहे.
नारायणगाव येथील भीषण अपघातात एसटीचा चालक सुदैवाने वाचला. तर आयशर टेम्पो चालक, आयशर टेम्पोच्या मदतीसाठी थांबलेला ट्रकचालक यांचा मृत्यू झाला आहे. ट्रकचालक किशोर यशवंत जोंधळे (४०), आयशर ट्रकचा चालक रशीद गुलाब पठाण (३०), शोभा नंदू पगार (४५), यमुना भिला पगार (५५), संकेत दत्तात्रय मिस्त्री,विकास चंद्रकांत गुजराथी (५०), सागर कृष्णलाल चौधरी (२७), अनिकेत जोशी (२५) अशी यातील मृतांची नावे असूनएका महिलेची अद्याप ओळख पटली नाही.
त्र्यंबकेश्वर – पुणे एसटीचा रात्री दीड वाजण्याच्या सुमारास हा अपघात झाला. मृतांमध्ये एसटीतील तीन महिला आणि चार पुरुष अशा सात प्रवशांचा मृत्यू झाला आहे. तसेच जखमींची अवस्था पाहता मृतांचा आकडा वाढण्याची शक्यता आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
