मुंबई | स्वातंत्र्यवीर सावरकर हे क्षात्रतेज असून आज ह्याच क्षात्रतेजाची देशाला गरज आहे, ते केवळ आमच्यासाठीच नव्हे तर देशासाठी प्रेरणा पुरुष आहेत, त्यांच्या प्रेरणेची आजच्या नव्या पिढीला गरज असून त्यांच्या विचारांचा त्यांनी अंगीकार केला पाहिजे, ज्याप्रमाणे चाणक्य आणि रामदास स्वामी यांनी राष्ट्राला शिकवण दिली त्या परंपरेतच स्वातंत्र्यवीर सावरकर यांचे स्थान आहे, असे विचार राष्ट्रीय स्वयंसेवक संघाचे सरकार्यवाह भय्याजी जोशी यांनी व्यक्त केले.
स्वातंत्र्यवीर सावरकर राष्ट्रीय स्मारक, मुंबई येथे राष्ट्रीय स्वयंसेवक संघाचे सरकार्यवाह भय्याजी जोशी यांनी भेट दिली तसेच स्मारकाच्या उपक्रमाविषयी जाणून घेतले. त्यावेळी त्यांनी विचार व्यक्त केले. यापासून आल्यानंतर आम्हाला प्रेरणा मिळते असेही ते म्हणाले.
स्मारकाच्या वतीने राष्ट्रहितासाठी होत असलेल्या कार्याची त्यांनी प्रशंसा केली तसेच हे कार्य अधिक व्यापकतेने समाजातील सर्व घटकांपर्यंत पोहचविण्यासाठी सदिच्छादेखील दिल्या.
त्यांनी यावेळी स्वातंत्र्यवीर सावरकर यांच्या पुतळ्यास अभिवादन केले तसेच पुष्प वाहून आदरांजलीही वाहिली.
स्मारकाचे कार्याध्यक्ष रणजित सावरकर यांनी स्वातंत्र्यवीर सावरकर यांचा पुतळा तसेच त्यांची साहित्यसंपदा त्यांना भेट दिली. स्मारकाचे कार्यवाह राजेंद्र वराडकर, कोषाध्यक्ष मंजिरी मराठे, पदाधिकारी मुकुंद गोडबोले, महेश कुलकर्णी, व्यवस्थापक संजय चेंदवणकर तसेच सावरकरभक्त व देशप्रेमी नागरिक उपस्थित होते. यावेळी राष्ट्रीय स्वयंसेवक संघ, भारत विकास परिषद आणि समस्त महाजन संस्थांचे पदाधिकारी व मान्यवरदेखील उपस्थित होते.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
