Connect with us

मुंबई

यंदाचा मुंबई श्री किताब परेळच्या अनिल बीलावाने पटकावला

News Desk

Published

on

मुंबई | गोरेगाव पूर्व येथील पांडुरंगवाडी मैदानात रंगलेल्या नवोदित मुंबई श्री शरीरसौष्ठव स्पर्धेत परेळच्या हर्क्युलस जिमच्या अनिल बिलावा याने किताबावर आपले नाव कोरले आहे. या परेळच्या अनिल बिलावा याने शरीरसौष्ठव स्पर्धेचा कुठलाही अनुभव नसताना सर्वांनाच आश्चर्याचा धक्का देत नुकत्याच झालेल्या स्पर्धेत नवोदित मुंबई श्री किताब पटकावला. त्याचप्रमाणे, परब फिटनेस संघाच्या महम्मद हुसेन खान याने उत्कृष्ट पोझरचा मान मिळवला. विशेष म्हणजे एकूण ७ वजनी गटांतील ही स्पर्धा अत्यंत अटीतटीची झाली आणि प्रत्येक गटामध्ये कंपेरिझन केल्यानंतर गटविजेत्याची निवड करण्यात आली.

गटनिहाय विजेता निकाल

५५ किलो वजनी गट – १. हेमंत भंडारी (बॉडी वर्कशॉप), २. नितेश कोळेकर (परब फिटनेस), ३. संजय आंग्रे (राहुल).

६० किलो – १. विपुल सावंत (बॉडी वर्कशॉप), २. महेश कांबळे (गुरूदत्त), ३. सुमीत यादव (बॉडी वर्कशॉप).

६५ किलो : १. रूपेश चव्हाण (एलटी फिटनेस), २. अभिषेक पाटील (गुरूदत्त), ३. सलीम शेख (बॉडी वर्कशॉप).

७० किलो – १. मकरंद दहिबावकर (किट्टी जिम), २. शेख कादर बादशाह (गुरूदत्त), ३. सुनील गुरव (वेट हाउस).

७५ किलो – १. अनिल बिलावा (हर्क्युलस जिम), २. महम्मद हुसेन खान (परब), ३. हेमंत कंचावडे (फॉर्च्युन फिटनेस).

स्पर्धेचा निकाल

नवोदित मुंबई श्री – अनिल बिलावा

उत्कृष्ट पोझर – महम्मद हुसेन खान

गोरेगाव पूर्वेकडील पांडुरंग वाडीच्या मैदानावर झालेल्या या स्पर्धेत सहभागी सर्व शरीरसौष्ठवपटूंनी आपल्या पीळदार शरीरयष्टीने उपस्थितांना भुरळ पाडली. सुमारे तीन हजारांहून अधिक प्रेक्षकांनी उपस्थिती लावताना खेळाडूंचा उत्साह वाढवला. प्रत्येक वजनी गटामध्ये ३०-३५ खेळाडू सहभागी झाल्याने सुरुवातीला १० आणि त्यानंतर अव्वल ५ खेळाडूंची निवड करताना परीक्षकांना चांगलीच कसरत करावी लागली. ५५ किलो आणि ६० किलो वजनी गटाचा अपवाद वगळता प्रत्येक गटाचा विजेता वेगवेगळ्या जिमचा ठरला. ५५ आणि ६० किलो वजनी गटात हेमंत भंडारी व विपुल सावंत या

बॉडी वर्कशॉपच्या खेळाडूंनी वर्चस्व राखले

अंतिम फेरीत ७५ किलो वजनी गटाच्या अनिल बिलावापुढे इतर सहा गटविजेते फिके पडले. त्याची लक्षवेधी शरीरयष्टी परीक्षकांनाही मोहित करणारी ठरली. शिवाय प्रेक्षकांनीही अनिलचाच जयघोष केल्याने स्पर्धेचा विजेता कळण्यास फार उशीर झाला नाही.

मुंबई

मालाडमध्ये भीषण आग

News Desk

Published

on

मुंबई | मालाड येथील मालवणीमध्ये झोपडपट्टीला भीषण आग लागल्याची माहिती मिळत आहे. अग्निशमन दलाच्या ८ गाड्या घटनास्थळी दाखल झाल्या असून ही आग विझवण्यासाठी अग्निशमन दलाच्या जवानांकडून मोठ्या प्रमाणावर प्रयत्न सुरु आहेत. या अपघातात सुदैवाने कोणतीही जीवितहानी झालेली नाही. दरम्यान, ही आग लागण्याची कारण अद्याप स्पष्ट झालेले नाही.

Continue Reading

मुंबई

रविवारी मध्य, हार्बरसह पश्चिम रेल्वेचा मेगाब्लॉक

News Desk

Published

on

मुंबई | मध्य रेल्वेच्या मुलुंड ते माटुंगा स्थानकांदरम्यान अप धिम्या मार्गावर रविवारी सकाळी ११ ते दुपारी ३.४० वाजेपर्यंत ब्लॉक घेण्यात येणार आहे. या कालावधीत अप धिम्या मार्गावरील गाड्या अप जलद मार्गावर वळवण्यात येतील. त्यामुळे वाहतूक १५ मिनिटे उशिराने सुरू राहील. सीएसएमटी येथून सुटणाऱ्या डाऊन जलद मार्गावरील गाड्या घाटकोपर, विक्रोळी, भांडुप, मुलुंड आणि दिवा स्थानकात थांबतील व २० मिनिटे उशिराने धावतील.

हार्बर मार्गवर कुर्ला ते वाशी दरम्यान अप व डाऊन दोन्ही मार्गांवरील वाहतूक सकाळी ११.१० ते दुपारी ३.४० वाजेपर्यंत बंद राहील. प्रवाशांच्या सोयीसाठी सीएसएमटी ते कुर्ला व वाशी ते पनवेल मार्गावर विशेष लोकल चालवण्यात येणार आहेत.

पश्चिम रेल्वे मार्गावर सांताक्रुझ ते गोरेगाव स्थानकांदरम्यान रविवारी सकाळी १०.३५ ते दुपारी ३.३५ वाजेपर्यंत ब्लॉक घेण्यात येईल. या मार्गावरील जलद अप व डाऊन मार्गावर ब्लॉक घेण्यात येईल व या कालावधीत या गाड्या अप व डाऊन जलद मार्गावर वळवण्यात येतील.

मध्य रेल्वेच्या निळजे ते कळंबोली स्थानकादरम्यान विशेष

रविवारी मध्य रेल्वे व पश्चिम रेल्वेचा नियमित मेगाब्लॉक जाहीर करण्यात आलेला असताना निळजे-कळंबोली मार्गावर विशेष ब्लॉक घेण्यात येणार आहे. रविवारी आणि मंगळवारी या मार्गावर विशेष ब्लॉक घेण्यात येणार असल्याने अनेक या मार्गावरील मेल-एक्स्प्रेस गाड्यांच्या वेळापत्रकात बदल झाला असून काही गाड्या रद्द केल्या आहेत.

मध्य रेल्वेतर्फे रविवारी निळजे ते कळंबोली दरम्यान सकाळी ९.५० ते दुपारी ४.५० वाजेपर्यंत मेगाब्लॉक घेण्यात येणार आहे. मंगळवारी सकाळी ९.५० ते दुपारी १२.५० वाजेपर्यंत ३ तासांचा ब्लॉक घेण्यात येणार आहे. नवी मुंबई मेट्रो मार्गाच्या कामासाठी हा ब्लॉक घेण्यात येणार आहे.

 

Continue Reading

HW Marathi Facebook

December 2018
M T W T F S S
« Nov    
 12
3456789
10111213141516
17181920212223
24252627282930
31  

महत्वाच्या बातम्या