मुंबई | मुंबईसह देशभरात आज रमजान ईदचा उत्साह पहायला मिळत आहे. अनेक सरकारी कार्यालयांना सरकारी सुट्टी देण्यात आली असली तरीही प्रायव्हेट कंपन्यांचे कर्मचारी सकाळी कामावर जाताना पहायला मिळाले. सकाळी नमाज अदा करण्याची वेळ असल्यामुळे मुंबईसह उपनगरात मशिदीबाहेर मुस्लिम बांधवांनी एकच गर्दी केली होती. ईद निमित्ताने पाहुण्या रावळ्यांकडे जाण्याची घाई असल्याने मुंबईकरांना ट्रॅफीक चा सामाना करावा लागला. त्यातच अंधेरी चकाला येथे दुचाकी आणि महापालिकेच्या कचरा गाडीच्या झालेल्या अपघातामुळे या मार्गावर बराच वेळ ट्रॅफीक जाम झाल्याचे चित्र पहायला मिळाले.
चकाल्यावरुन जे. बी. नगरच्या दिशेने जात असलेल्या MH 02 DX 5021 ही दुचाकी महापालिकेच्या कचरा गाडीला MH 01 BR0048 धडकल्यामुळे झालेल्या अपघातात दुचाकीचे प्रंचड नुकसान झाल्याचे पहायला मिळाले. या अपघातामुळे सकाळी ऑफीसला जाणा-या अनेकांचा बराच वेळ खोळंबा झाला होता. या अपघातानंतर काही क्षणात पोलिस घटनास्थळी हजर झाले आणि वाहतूक सुरळीत करण्यात आली. यानंतर पोलिसांच्या मध्यस्थीने दुचाकी स्वार आणि महापालिका सुपरवाईजर यांनी सेटलमेंट केली. यासंदर्भात अधिक विचारणा केली असता दुचाकीस्वार अॅडव्होकेट अबु खान यांनी महापालिका झालेल्या नुकसानाची भरपाई देणार असल्याचे HW मराठी शी बोलताना सांगितले.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
