चेन्नई- बारावीनंतर मेडिकल कॉलेजमध्ये प्रेवश घेण्यासाठी प्रत्येक राज्याची सीईटी होते. परंतु केंद्र सरकारने आता सर्वांसाठी नीट परीक्षा सक्तीची केली आहे. या प्रकरणात सर्वोच्च न्यायालयापर्यंत लढा देणाऱ्या तामीळनाडूमधी दलित तरुणीने आत्महत्या केल्याची बाब समोर आली आहे. या प्रकारमुळे तामीळनाडू पेटले असून ठिकठिकाणी आंदोलने सुरू झाले आहेत. अतिशय हालाखीची परिस्थिती असताना या मुलीने बारावी परीक्षेत बाराशेपैकी 1127 मार्क मिळवले होते. परंतु नीट परीक्षेत तिला कमी मार्क मिळाले, त्यामुळे तिला मेडीकलमध्ये प्रेवश मिळू शकला नाही. ज्या कारणासाठी ती सर्वोच्च न्यायालयाकडे दाद मागत होती, तेच कारण निरर्थक ठरल्याने नैराश्य येऊन तरुणीने आत्महत्या केला. दरम्यान, गरीबी परिस्थितीत शिक्षण घेऊन डॉक्टर होण्याचे स्वप्न पाहणाऱ्या अशा मुलींना नीटसाठी खासगी शिकवणी लावणे शक्य होत नाही. केंद्र व राज्य सरकार नवनवे नियम आणून गरीब विद्यार्थ्यांवर अन्याय करत आहे, यातून आत्महत्याचा प्रकार झाल्याचे बोलले जात आहे. या घटनेनंतर तरी सरकारला शहाणपण येईल आणि गरजु, गरीब विद्यार्थ्यांसाठी वेगळा पर्याय निवडेल का, हा प्रश्न या निमित्ताने उपस्थित केला जात आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
