नवी दिल्ली (वृत्तसंस्था) – बँकेतून चोरी करून पसार झालेल्या तीन चोरट्यांना दिल्ली पोलिसांनी मोठ्या शिताफीने पकडले आहे. टीव्हीवरील क्राइम सीरिअल पाहून चोरट्यांनी बँक फोडल्याची कबुली दिली. विशेष म्हणजे चोरट्याच्या हातावरील टॅटूमुळे या चोरीचा छडा लावण्यात पोलिसांना यश आले.
21 ऑगस्ट नवी दिल्लीतील मुखर्जीनगर परिसरातील सिंडिकेट बँकेत चोरी झाली होती. बँकेची खिडकी कापून चोरट्यांनी अडीच लाखांची चिल्लर चोरली होती. चोरट्यांनी टीव्हीवरील क्राइम सीरियल पाहून बँकेत चोरी करण्याचा प्लॅन तयार केला होता. आरोपी बँकेलगतच्या बस डेपोमध्ये बसच्या मेन्टनन्सचं काम करायचे. बँकेतील खिडकीला असलेली जाळी कापून हे तीघं बँकेत घुसले आणि त्यांनी 2.30 लाख रूपयांची नाणी घेऊन ते फरार झाले होते. तीनही चोरटे सीसीटीव्हीत कैद झाले होते. परंतु त्यांचे चेहरे दिसत नव्हते. एका चोरट्याच्या हातावर टॅटू काढल्याचे दिसून आले. त्यावरून तपास केला असता बँकेशेजारी काम करणाऱ्या तिघांनी हे कृत्ये केल्याचे निदर्शनास आले.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
