नवी दिल्ली(वृत्तसंस्था): स्वयंपाकाच्या गॅसची सबसिडी केंद्र सरकार संपवत आहे, या मुद्द्यावर मंगळवारी राज्यसभेत विरोधकांनी जोरदार गदारोळ केला. अध्यक्षांच्या समोरील जागेत उभे राहून विरोधकांनी सरकारविरोधी घोषणाबाजी केली. याच मुद्द्यावरून सोमवारीही विरोधकांनी सरकारला चांगलेच घेरले होते. काँग्रेसचे नेते मल्लिकार्जुन खरगे लोकसभेत म्हणाले की, हिंदूस्तानला लिंचिस्तान बनवून टाकले आहे. विश्व हिंदू परिषद आणि बजरंग दल सारख्या संघटना आणि गोरक्षणाच्या नावाखाली चालणाºया गटांना सरकारचे अप्रत्यक्ष समर्थन आहे. दुसरीकडे, राष्ट्रवादी काँग्रेसच्या खासदार सुप्रिया सुळे म्हणाल्या, सरकारला जर लोकांच्या बीफ खाण्याच्या सवयीला आळा घालायचा असेल तर त्यांना मोफत डाळींचे वाटप केले पाहिजे. गेल्या काही दिवसांपासून डाळींचे दर परवडणारे नाहीत. त्यामुळे सर्वसामन्यांचे हाल होत आहेत. दरम्यान, कमी दरात बिफ मिळते, त्यामुळे काही लोक त्याला पसंती देतात, असा सुप्रिया सुळे यांच्या बोलण्याचा रोख दिसतो.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
