विधानसभा पोटनिवडणूकाचा एकमेव पर्याय
मुंबई – उत्तर प्रदेश विधानसभा निवडणुकीच्या निकालानंतर बहुजन समाज पक्षाच्या अध्यक्ष मायावती यांची राजकीय कारकीर्दच धोक्यात आली आहे.
नुकत्याच झालेल्या विधानसभा निवडणुकीत बसपला अवघ्या १९ जागा मिळाल्या आहेत. त्यामुळेच त्यांच्या अडचणी वाढल्या आहेत. २ एप्रिल २०१८ रोजी मायावती यांचा राज्यसभेचा कार्यकाळ संपुष्टात येणार आहे. पण राज्यसभेत राजण्यासाठी किमान ३७ आमदार असणे आवश्यक आहे. परंतू मायावती यांच्याकडे केवळ १९ आमदार असल्याने त्यांचा राज्यसभेत जाण्याचा मार्ग बंद झाला आहे.
त्यामुळे उत्तर प्रदेशच्या विधानसभेत मागच्या दाराने जाण्यासाठी त्या प्रयत्न करू शकतात. पण विधान परिषदेसाठी २९ आमदारांची गरज लागते. मायावतींकडे तेवढे संख्याबळ नसल्याने त्यांचा विधान परिषदेतही जाता येणार नाही. एखाद्या आमदाराला राजीनामा द्यायला सांगून पोटनिवडणुकीला सामोरे जाणे हाच मायावतींसमोरचा एकमेव पर्याय असणार आहे. तसे न केल्यास मायावतींची राजकीय कारकिर्द धोक्यात येण्याची शक्यता आहेत. मात्र, मायावतींनी आता कुठल्याही सभागृहाचे सदस्य न होता, पक्षबांधणीवर लक्ष केंद्रित करावे, असाही एक मतप्रवाह पक्षात आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
