नवी दिल्ली(वृत्तसंस्था): कर्जमाफी, हमीभावासाठी देशातील शेतकरी आक्रमक होण्याची चिन्हे आहेत. येत्या २० नोव्हेंबर रोजी अखिल भारतीय किसान संघर्ष समितीसह देशातील १८० शेतकरी संघटना राजधानी दिल्लीत तिव्र आंदोलन करणार आहेत. काही दिवसांपूर्वी मध्य प्रदेशच्या मंदसौर येथे शेतकरी आंदोलनादरम्यान जमावाला पांगवण्यासाठी पोलिसांनी केलेल्या गोळीबारात दोन शेतकºयांचा मृत्यू झाला होता. या घटनेविरुद्ध वातावरणनिर्मिती करण्यासाठी अखिल भारतीय किसान संघर्ष समितीने देशभरात १० हजार किलोमीटरची पदयात्रा काढली होती. या पदयात्रेची दिल्लीत सांगता होत असल्याच्या पार्श्वभूमीवर २० नोव्हेंबरला हे निर्णयाक आंदोलन करण्यात येणार आहे. महाराष्ट्रासह अन्य राज्यांतील शेतकरीही या आंदोलनात सहभागी होणार आहेत. शेतकºयांना पिकाच्या हमीभावापेक्षा कमी पैसे मिळतात. परिणामी एका हंगामात देशभरातील शेतकºयांचे साधारण ३४ हजार कोटींचे नुकसान होते, असा दावा अखिल भारतीय किसान संघर्ष समितीने केला आहे. त्यामुळे शेतकºयांना न्याय मिळावा, या उद्देशाने २० नोव्हेंबरला संसद रस्त्यावर आंदोलन करण्यात येईल.