नवी दिल्ली | राफेल करारवरून राहुल गांधींनी सुरु केलेला वाद हा अत्यंत बाळबोध असून ह्यावरूनच त्यांची समजून घेण्याची क्षमता किती कमी आहे हे लक्षात येते, अशा शब्दात अर्थमंत्री अरुण जेटली यांनी राहुल गांधी यांच्यावर टीका केली आहे. राफेल करारासंदर्भात राहुल गांधींनी राफेल कराराच्या किमतीसंदर्भात केलेले प्रत्येक वक्तव्य खोटे असल्याचेही अरुण जेटली यांनी सांगितले.
ज्या सुरक्षेची भारताला अत्यंत आवश्यकता आहे त्याच सुरक्षेशी काँग्रेस तडजोड करू पाहत आहे का,असा प्रश्नही त्यांनी उपस्थित केला. २००७ च्या राफेल ऑफरच्या संदर्भात राहुल गांधींनी त्यांच्या प्रत्येक वेळेच्या भाषणात राफेल कराराच्या वेगवेगळ्या किंमती सांगितल्या. २००७ च्या तुलनेत २०१६ मध्ये मूलभूत विमानाची किंमत ९% स्वस्त आणि शास्त्रात्रयुक्त लोडेड विमाने ही २०% स्वस्त आहेत, ही माहिती काँग्रेस पक्षाला हे का? असाही प्रश्न त्यांनी यावेळी राहुल गांधींना केला.
एकदा करार पूर्ण झाला कि त्यानंतर तो करार कॅबिनेट कमिटी ऑन सिक्युरिटीला (सीसीएस) पाठवला जातो. सीसीएसने राफेल कराराला मान्यता दिली त्यानंतरच या करारावर स्वाक्षऱ्या करण्यात आल्या. हे राहुल गांधी यांना माहित आहे का? असाही सवाल त्यांनी केला. ते आज एएनआयच्या मुलाखतीत बोलत होते.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
