नवी दिल्ली | राफेल कराराचे पैसे आणि सर्व लाभ हे पंतप्रधान नरेंद्र मोदींच्या खिशात गेल्याचा थेट आरोप काँग्रेसने केला आहे. तसेच आता सत्य उघड्यावर आणायला आम्ही मागेपुढे पाहणार नसल्याचेही काँग्रेस प्रवक्ते आरपीएन सिंग यांनी स्पष्ट केले आहे. पंतप्रधान मोदींवर केला गेलेला हा गंभीर आरोप पाहता राफेल करारवरून मोठा वादंग होण्याची शक्यता निर्माण झाली आहे.
काँग्रेस या महिन्याभरात अनेक पत्रकार परिषदा घेणार असून प्रत्येक जिल्हा आणि राज्यांच्या मुख्यालयाबाहेर सरकारविरोधात आंदोलन करणार असल्याचेही सिंग यांनी सांगितले आहे. राफेल कराराचे हे सत्य आम्ही देशासमोर उघड करणार असल्याचेही त्यांनी म्हटले आहे. पंतप्रधान हे राफेल करारावर निवेदन करण्याऐवजी उद्योगपतींना बरोबर घेऊन माध्यमे आणि आमच्या नेत्यांना घाबरवण्याचा प्रयत्न करीत आहेत, असाही आरोप सिंग यांनी केला आहे.
काय आहे राफेल करार
भारत २००७ सालीपासून फ्रान्सकडून अत्याधुनिक मिसाईल्स म्हणजे राफेल विमान खरेदी करण्याचा प्रयत्न करत होते. परंतु काहीना काही अडचणींमुळे हा करार होण्यास अडथळे निर्माण होत होते. मात्र पंतप्रधान नरेंद्र मोदींच्या फान्स दौऱ्यानंतर राफेल विमान खरेदीला वेग आला. आणि फ्रान्सकडून मोदींनी भारतासाठी ३६ फायटर जेट्स खरेदी करण्याच्या घोषणा केल्या. परंतु आज ह्या राफेल करारावर अनेक आरोपप्रत्यारोप आणि प्रश्नचिन्ह उपस्थित होत आहेत.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
