नवी दिल्ली | पावसाळा सुरू होताच वेध लागतात ते गणरायाच्या आगमनाचे! गणेशोत्सवासाठी आतापासून मूर्ती बनविण्यासाठी लगबग सुरू झाली आहे. परंतु यावेळी वस्तू आणि सेवा कर म्हणजे जीएसटीचा मोठा फटका मूर्तिकारांना बसणार होता. जीएसटीमुळे शाडू आणि प्लास्टर ऑफ पॅरिसच्या दरात वाढ होते. आणि त्यामुळे मूर्तींच्या किमतीत ३० ते ३५ टक्के वाढ होते. विशेष म्हणजे यंदा बाप्पाचे आगमन थोडे लवकर होणार आहे. त्यामुळे मूर्तिकारांची लगबग पाहायला मिळते आहे.
परंतु, केंद्र सरकारने आगामी रक्षाबंधन आणि गणेशोत्सवाच्या पार्श्वभूमीवर जीएसटी संदर्भात काही महत्त्वपूर्ण निर्णय घेतले आहेत. यंदा रक्षाबंधनातील राखी आणि गणेशोत्सवातील गणपती बाप्पांच्या मूर्तीसह सर्व प्रकारचे पुतळे, हस्तकलेच्या वस्तू, हातमागासह इतर वस्तूंना जीएसटीतून सूट देण्यात आली आहे, अशी घोषणा केंद्रीय अर्थमंत्री पियुष गोयल यांनी केली आहे. या सणांचा हा आपला वारसा आहे. तो आपण जपून ठेवायला हवा, असेही गोयल यांनी यावेळी म्हटले.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
