HW News Marathi
देश / विदेश

UK च्या पंतप्रधानपदी भारतीय वंशाचे ऋषी सुनक यांची निवड

मुंबई। भारतीय वंशाचे ऋषी सुनक (Rishi Sunak) यांची ब्रिटनच्या पंतप्रधान म्हणून निवड करण्यात आली आहे. ऋषी सुनक यांनी पेनी मॉर्डन यांचा पराभव केला. ऋषी सुनक यांना १८५ हून अधिक खासदारांचे समर्थन मिळाले. तर पेनी मॉर्डन यांना २५ खासदारांचे समर्थन मिळाले. ऋषी सुनक यांना ब्रिटनच्या पंतप्रधान पदी विराजमान होण्याचा मार्ग मोकळा झाला. ऋषी सुनक हे २८ ऑक्टोबर रोजी ब्रिटनच्या पंतप्रधान पदाची शपथ घेणार असून २९ ऑक्टोबर रोजी मंत्रिमंडळाची स्थापन करणार आहेत. अवघ्या सात महिन्यात ऋषी सुनक हे ब्रिटनचे तिसरे पंतप्रधान आहेत.

जुलै महिन्यात ब्रिटनमध्ये लिझ ट्रस आणि ऋषी सुनक या दोघांमध्ये पंतप्रधान पदाची निवडणूक पार पडली. त्या निवडणुकीत ट्रस यांचा विजय झाला होता. परंतु, जनतेला दिलेले आश्वासने पुर्ण करू न शकल्याने ट्रस यांना ४५ दिवात राजीनामा द्यावा लागला. यानंतर पुन्हा एकदा ऋषी सुनक पंतप्रधान पदाच्या रेसमध्ये उतरले. आणि यावेळी ऋषी सुनक यांना खासदारांचा पाठिंबा मिळाल्याने पंतप्रधान पदी विराजमान होण्यावर शिक्कामोर्तब झाला आहे.

Dear Readers,
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.

Related posts

चीनचा 11 तास युद्ध सराव

News Desk

भारताकडून मिसाईल हल्ला होईल याची आम्हाला भीती होती !

News Desk

जगातील सर्वांत उंच गावात दुष्काळ

News Desk