बुलढाणा | जळगावच्या जामोद येथे वन विभागाच्या कार्यालयाला शनिवारी पहाटे ४.३० वाजता भीषण आग लागली. या आगीत वग विभागाचे सर्व साहित्य जळून खाक झाले आहे. या कार्यालया लगतच वन विभागाचे अधिकारी वास्तव्यास आहेत. या आगीत कोणत्याही प्रकारची जीवित हानी झालेली नाही. या ठिकाणी आज विझवायला विलंब झाल्यामुळे प्रचंड नुकसान झाले आहे. अवघ्या काही मिनीटांच्या अंतरावर असलेल्या अग्निशमन दलातून गाड्या घटना स्थळी दाखल व्हायला तब्बल दीड तासांचा अवधी गेल्यामुळे प्रचंड नुकसान झाल्याची माहिती समोर येत आहे.

सातपुडा च्या पायथ्याशी असलेल्या जंगल परिसरात जळगाव जामोद हा तालुका वसलेला आहे , हजारो हेक्टरच्या जंगलाने व्यापलेला हा भाग आहे. शनिवारी पहाटे वन विभागाच्या मुख्य कार्यलयाला अचानक आग लागल्याने परिसरात एकच खळबळ उडाली या आगित अनेक वर्षाचे दस्तावेज जळुन खाक झाले आहेत. दोन तास आग धगधगत राहिली मात्र अग्निशमन दलाचे जवान घटनास्थळी दाखल व्हायला विलंब लागल्यामुळे वन विभागाचे कार्यालय संपूर्ण जळुन खाक झाले होते. आगीचे कारण अद्याप अस्पष्ट आहे.