HW News Marathi
देश / विदेश

कार्ती चिदंबरम यांच्या ५४ कोटींची मालमत्तेवर ईडीची जप्ती

नवी दिल्ली | माजी केंद्रीय अर्थमंत्री पी. चिदंबरम यांचे पूत्र कार्ती चिदंबरम याची आएनएक्स मीडिया प्रकरणी ५४ कोटी रुपयांची मालमत्ता अंमलबजावणी संचालनालयाकडून (ईडी) जप्त करण्यात आली आहे. कार्तीच्या इंग्लंड,स्पेन आणि ऊटीतील येथील बंगल्यांनाही जप्ती आणली आहे. यांसह कार्ती याचे चेन्नईच्या बँकेतील ९० लाखांचे फिक्स्ड डिपॉझिट, दिल्लीच्या जोरबाघ परिसरातील मालमत्ता यांवरही ईडीने जप्ती आणली आहे. मालमत्ता अंमलबजावणी संचालनालयाकडून जप्त करण्यात आलेली तब्बल ५४ कोटींची मालमत्ता कार्ती आणि एएससीपीएल कंपनीच्या नावावर आहे.

सीबीआयने दाखल केलेल्या एफआयआरप्रमाणे ईडीने मनी लॉन्ड्रींग कायद्याअंतर्गत ही कारवाई करण्यात आली आहे. सीबीआयने दाखल केलेल्या एफआयआरनुसार ४.६२ कोटींऐवजी ३०५ कोटी रुपयांची थेट विदेशी गुंतवणूक आयएनएक्स मीडियात करण्यात आली होती. काही दिवसांपूर्वी कार्ती चिदंबरंची कंपनी आयएनक्स मीडिया हाऊसला अनधिकृतरित्या पैसा मिळत असल्याचा आरोप करण्यात आला होता. याप्रकरणी सीबीआयने केलेल्या तपासानंतर कार्ती यांच्या अनेक अनधिकृत व्यवहारांची माहिती उघड झाली आहे. सीबीआयने कार्तीविरूद्ध एफआयआर देखील दाखल केला आहे.

Dear Readers,
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.

Related posts

वारीस पठाणांच्या ‘त्या’ वादग्रस्त वक्तव्यानंतर अंधेरी पोलीस स्थानकात तक्रार दाखल

swarit

भंगारात सापडलेल्या नाण्याची किंमत दीड कोटी

News Desk

बाबरी पाडली त्या शिवसैनिकांचा मला अभिमान आहे, बाळासाहेब ठाकरेंच्या आठवणींना सामनातून उजाळा

News Desk