मुंबई | बिग बी म्हणून ओळखले जाणारे एकमेव व्यक्तीमत्व म्हणजे बॉलीवूडचे महानायक अमिताभ बच्चन यांनी आज ७६ व्या वर्षात पदार्पण केलं आहे. अमिताभ बच्चन यांना बॉलिवूडचा महानायक मानले जाते. त्यांच्या वाढदिवसानिमित्त त्यांच्या चाहत्यांनी तसेच कलाविश्वातील अनेक सेलिब्रेटींनी सोशल मीडियाच्या माध्यमातून बिग बींना वाढदिवसाच्या शुभेच्छा दिल्या आहेत. रणबीर कपूर, रजनीकांत, विरेंद्र सेहवाग, सचिन तेंडूलकर या दिग्गजांनीदेखील बिग बींना शुभेच्छा दिल्या आहेत.

T 2958 – To all that have wished me .. to all that have sent greetings .. to all that have kept with me all along .. to all that have the gift of giving me longevity .. to all with my LOVE pic.twitter.com/jFeXfMdQqu

— Amitabh Bachchan (@SrBachchan) October 10, 2018

बिग बींनी आपल्या चाहत्यांसाठी ट्विट करून आभार व्यक्त केले आहेत. अमिताभ बच्चन यांना बॉलिवूडचे महानायक म्हणून ओळखले जातात. कारण कुठलीही भूमिका साकारणे त्यांच्यासाठी अवघड नाही. अगदी बेमालूमपणे ते कुठल्याही भूमिकेत शिरतात आणि ती भूमिका अक्षरश: जिवंत करतात. भारतीय चित्रपटातील ‘अॅग्री यंग मॅन’ अशी ओळख मिळविलेल्या अमिताभ बच्चन यांनी १९७० मध्ये चित्रपटसृष्टीत पदार्पण केले होते. अमिताभ बच्‍चन यांचा दमदार आवाज आणि डायलॉग्‍जने तमाम सिनेसृष्‍टीला भुरळ घातली आहे. या वयातही अमिताभ तरुण आणि स्टार अभिनेत्यांना लाजवतील अशा उत्साहाने काम करीत आहेत. तसेच कित्‍येक वर्षे लोटली तरी चित्रपटांतील त्‍यांचे कित्‍येक संवाद चाहत्‍यांच्‍या मनात आजही घर करून आहेत.