बेंगळुरू | कर्नाटक राज्याच्या विधानसभेसाठी मतदानाची तारीख जाहीर झाली आहे. संपूर्ण कर्नाटक विधानसभेसाठी एकाच टप्प्यात निवडणुका होणार आहेत. 12 मे रोजी कर्नाटक विधानसभेसाठी मतदान होणार आहे, तर 15 मे रोजी निवडणुकांचे निकाल जाहीर होतील.
- असा असेल निवडणूक कार्यक्रम
17 एप्रिल – अधिसूचना जारी
24 एप्रिल – उमेदवारी अर्ज दाखल करण्याची अंतिम तारीख
25 एप्रिल – उमेदवारी अर्जांची छाननी
27 एप्रिल – उमेदवारी अर्ज मागे घेण्याची अंतिम तारीख
12 मे – मतदान
15 मे – मतमोजणी
दरम्यान, निवडणूक आयोगाची पत्रकार परिषद सुरू असतानाच भाजपचे आयटी सेलप्रमुख अमित मालवीय यांनी ट्वीटरवर तारखा जाहीर केल्या. त्यासंदर्भात काही माध्यमांनी बातम्याही दिल्या. मालवीय यांचे ट्वीटही लगेच व्हायरल झाले. मात्र त्यांच्या अकाऊंटवर पाहिले असता हे ट्वीट दिसले नाही. त्यामुळे त्यांनी हे ट्वीट डिलीट केल्याची शक्यता आहे. तर निवडणूक आयोगाने याप्रकरणाची चौकशी करून दोषींवर कारवाई करणार असल्याचे म्हटले आहे.
विधानसभेच्या 224 जागांसाठी एका टप्प्यात मतदान होणार आहे. सध्या राज्यात काँग्रेसची सत्ता आहे. सिद्धरमैय्या मुख्यमंत्री आहेत.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
