मुंबई | भारताचे माजी पंतप्रधान अटल बिहारी वाजपेयी यांचे निधन झाल्याचे वृत्त सरकारी वृत्तवाहिनी दूरदर्शनने दिले होते. निधनाचे वृत्त प्रसारीत करण्याची अति घाई मात्र दूरदर्शनच्या चांगलीच अंगाशी आली आहे. याप्रकरणी दूरदर्शकडून माफी देखील मागण्यात आली आहे.

सध्या अटल बिहारी यांची प्रकृती अत्यंत चिंताजनक आहे. त्यांच्यावर सध्या दिल्लीच्या एम्स रुग्णालयात उपचार सुरु आहेत. मात्र दूरदर्शनने त्यांच्या निधनाचे वृत्त दिल्याने नागरीकांमध्ये संभ्रम निर्माण झाला होता.

तसेच दूरदर्शनने दिलेले वृत्त खरे मानून अनेक वृत्तवाहिन्यांनी वाजपेयींच्या निधनाचे वृत्त दिले होते. मात्र या वृत्तवाहिन्यांनी देखील हे वृत्त दाखवणे बंद केले आहे. आज संध्याकाळी एम्स रुग्णालयाकडून अधिकृत बुलेटीन जारी करण्यात येणार आहे. यामधून वाजपेयींच्या प्रकृतीबद्दल अधिकृत माहिती देण्यात येणार आहे.