नवी दिल्ली | ऐन दिवाळीच्या तोंडावर घरगुती गॅस महागला आहे. अनुदानित गॅस सिलिंडरच्या दरात २.९४ रुपयांची, तर विनाअनुदानित गॅसच्या दरात ६० रुपयांनी वाढ झाली आहे. मध्यरात्रीपासूनच या निर्णयाची अंमलबजावणी होणार आहे. अनुदानित घरगुती सिलिंडरचे किंमत जूनपासून आतापर्यंत सहाव्यांदा वाढली आहे. तेव्हापासून आतापर्यंत या सिलिंडरच्या किमतीत १४.१३ रुपयांची वाढ नोंदवली गेली आहे.
अनुदानित प्रति एलजीपी सिलिंडरचा भाव बुधवारी मध्यरात्रीपासून वाढून ५०२.४० रुपयांवरून ५०५.३४ रुपयांवर पोहोचला आहे. तर विनाअनुदानित सिलिंडरच्या किंमतीत ६० रुपयांची वाढ होऊन ती प्रति सिलिंडर ८८० रुपयांवर गेली आहे. आंतरराष्ट्रीय बाजारातील चढउतार आणि डॉलरच्या तुलनेत रुपयाच्या विनिमय मूल्यातील घसरण आदी घटकांमुळे स्वयंपाकाच्या गॅस दरात वाढ करण्यात आल्याची माहिती मिळत आहे.
तसेच अनुदानित एलपीजी सिलिंडरच्या ग्राहकांना जीएसटीमुळे २.९४ रुपये जास्त मोजावे लागणार आहेत. अनुदानित ग्राहकांना सरकार वर्षाला १४.२ किलोचे १२ सिलिंडर उपलब्ध करून देते. अनुदानित गॅस सिलिंडरवर सरकारच्या वतीने लाभार्थ्यांच्या बँक खात्यात अनुदान जमा करण्यात येते. गेल्या महिन्यात प्रतिसिलिंडर २७६.६० रुपये अनुदान जमा करण्यात येते होते. या महिन्यात हे अनुदान ४३३.६६ रुपये करण्यात आले आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
