नवी दिल्ली | माझ्याकडे गुंतवणूक केली तर बँकेपक्षा जास्त व्याज देऊन, असे विधान केंद्रीय रस्ते वाहतूक मंत्री नितीन गडकरी यांनी केले आहे. तुम्ही राष्ट्रीय राजमार्ग प्राधिकरण (एनएचएआय)च्या बॉण्डमध्ये गुंतवणूक केली तर तुम्हाला बँकांपेक्षा जास्त व्याज मिळेल, असे नितीन गडकरी नॅशनल स्टॉक एक्सचेंजच्या २५ व्या वर्षाच्या कार्यक्रमात बोलत होते.
पुढे असे देखील म्हटले की, आमचे टोल कलेक्शन चांगले आहे. आमची रेटिंग ट्रिपल ए आहे. भारतात गुंतवणूकदारांना बँकेडून जेवढे व्याज मिळते. त्या पेक्षा जास्त व्याज मी देऊ शकतो, असे गडकरी म्हणाले. तसेच रस्त्यांबरोबरच शिपिंगमध्येही तुम्ही गुंतवणूक करू शकता कारण आमची पोर्टही फायद्यामध्ये आहेत, असा सल्ला गडकरींनी दिला. एनएचएआयला बॉण्डच्या माध्यमातून ६३ हजार कोटी रुपये जमा करायचे आहेत. मागच्या वर्षी एनएचएआयने ५२ हजार कोटी रुपये जमा केले होते.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
