नवी दिल्ली | देशातील इंधन दरवाढीमुळे गेल्या अनेक दिवसांपासून सामान्यांचे कंबरडे मोडले आहे. काल (बुधवारी) एका दिवसाच्या विश्रांती नंतर आज (गुरुवारी) २४ व्या दिवशी पुन्हा पेट्रोल- डिझेलच्या किंमतीत वाढ झाली आहे. मुंबईतील आजची पेट्रोलची किंमत प्रति लिटर ८९.६० तर डिझेलची किंमत प्रति लिटर ७८.४२ एवढी झाली आहे. मुंबईत आज (गुरुवारी) पेट्रोल ७ पैशांनी महागले आहे. देशातील या इंधन दरवाढीला लगाम बसण्याची कोणतीही चिन्हे अद्याप दिसत नाहीत.
दरम्यान, देशातील इतर बऱ्याच राज्यात अनेक ठिकाणी इंधनाच्या किंमतींनी नव्वदी पार केलेली आहे. आंतरराष्ट्रीय बाजारात रुपया दिवसेंदिवस घसरत चालल्याने तसेच कच्च्या तेलाचे भाव कडाडल्याने देशातील इंधनाच्या दरात मोठ्या प्रमाणात वाढ झाली. केंद्र सरकारने इंधनाला देखील जीएसटीमध्ये समाविष्ट का केले नाही अशी विचारणा काँग्रेसकडून सतत केली जात आहे. तसेच इंधनावर मोठ्या प्रमाणात अधिभार लावल्याने इंधनाच्या दरात मोठ्या प्रमाणात वाढ झाली आहे.
मोदी सरकारच्या कार्यकाळात वाढत असलेल्या महागाई विरोधात काँग्रेस अध्यक्ष राहुल गांधींनी १० सप्टेंबर रोजी भारत बंदची हाक दिली होती. देशभऱातली २१ पक्षांनी या बंदला पाठिंबा देत आपला सहभाग आणि समर्थन दर्शविले होते. परंतु, याचा कोणताही परिणाम इंधन दरवाढीवर झालेला नसल्याचे स्पष्ट चित्र दिसत आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
