HW News Marathi
देश / विदेश

आता राफेलवर चर्चा नाही ?

नवी दिल्ली | जोपर्यंत राफेल करार खरेदी प्रकरणावर न्यायालयात सुनावणी सुरु आहे तोपर्यंत राफेल कराराच्या किमतींबाबत सार्वजनिकरित्या चर्चा करण्यात येणार नसल्याचे सर्वोच्च न्यायालायने सांगितले आहे. त्याचप्रमाणे जेव्हा राफेलच्या किमती सार्वजनिक केल्या जातील तेव्हाच यावर सार्वजनिकरित्या चर्चा होऊ शकते. केंद्र सरकारने सोमवारी (१२ नोव्हेंबर) सर्वोच्च न्यायालयात राफेल विमान खरेदी प्रकरणी शपथपत्र सादर केले होते. या शपथपत्रातून केंद्राने राफेल विमान खरेदी प्रक्रियेची माहिती सर्वोच्च न्यायालयासमोर सादर केली होती. या प्रकरणी आज (बुधवार) सर्वोच्च न्यायालयात सुनावणी आहे. सर्वोच्च न्यायालयाचे सरन्यायाधीश रंजन गोगोई, न्यायमूर्ती एस. के. कौल आणि न्यायमूर्ती के. एम. जोसेफ यांच्या खंडपीठासमोर राफेल करार प्रकरणी सुनावणी सुरु आहे.

Dear Readers,
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
Some error occurred

Related posts

भारतीय औषधनिर्मिती उद्योगाने जगाचा प्रमुख औषध पुरवठादार बनण्याची महत्त्वाकांक्षा बाळगली पाहिजे! – पियुष गोयल

News Desk

कुलभूषण जाधव दोषी, कायदेशीर लढाई सुरुच ठेवणार !

News Desk

ती सेक्स सीडी बनावट, हार्दिकचे भाजपवर आरोप

News Desk
मनोरंजन

बालदिनाच्या निमित्ताने मोझॅकच्या माध्यमातून साकारले निरागस रूप 

News Desk

गौरी टिळेकर | स्वतंत्र भारताचे पहिले पंतप्रधान पंडित जवाहरलाल नेहरू यांची आज जयंती ! पंडित नेहरूंचे लहान मुलांवर अफाट प्रेम होते. म्हणूनच त्यांची जयंती आपण बालदिन म्हणून साजरी करतो. या बालदिनाच्या निमित्तानेच चेतन राऊत यांनी आपल्या कलेच्या माध्यमातून चिमुकल्यांना एक अनोखी भेट दिली आहे. चेतन यांनी तब्बल ६००० प्लास्टिकच्या छोट्या रंगीबेरंगी चेंडूंचा वापर करून एका लहान बाळाचे मोझॅक पोट्रेट साकारले आहे. विशेष म्हणजे या मोझॅक पोट्रेटच्या माध्यमातून इंडिया बुक ऑफ रेकॉर्ड आणि युनिक वर्ल्ड रेकॉर्डमध्ये चेतन राऊत यांच्या सहाव्या विश्वविक्रमाची नोंद झाली आहे.

चेतन राऊत आणि त्यांच्या सहकाऱ्यांनी मिळून तयार केलेले हे मोझॅक प्लास्टिकच्या चेंडूचा वापर करून तयार केलेले जगातील सर्वात मोठे मोझॅक पोट्रेट आहे. हे पोट्रेट साकारण्यासाठी १२ तासांचा अवधी लागला आहे. एका आदिवासी पाड्यात जाऊन चेतन यांनी हे मोझॅक तयार केले आहे. आदिवासी पाड्यातील चिमुकल्यांसोबत हा बालदिन साजरा करून त्यांना आनंद देण्याचा प्रयत्न केल्याचे चेतन यांनी म्हटले आहे. या मुलांना कलेची आवड निर्माण व्हावी आणि त्यांना कलेच्या आणखी जवळ न्यावे यासाठी चेतन आणि त्यांच्या सहकाऱ्यांनी या मुलांना वारली पेंटिंगचे धडे दिले.

यावेळी चेतन यांनी आदिवासीपाड्यांमधील अपुऱ्या सोयी-सुविधांचा देखील उल्लेख केला. “मी माझ्यापरीने या चिमुकल्यांचा बालदिन उत्तमरित्या साजरा व्हावा आणि त्यांना आनंद मिळावा यासाठी प्रयत्न केले. हे मोझॅक पाहिल्यानंतर चिमुकल्यांनी दिलेल्या गोड प्रतिक्रियेमुळे माझा उद्देश साध्य झाला आहे”, अशी भावना चेतन यांनी व्यक्त केली. “यापुढेही मी या चिमुकल्यांच्या विकासासाठी प्रयत्न करत राहणार आहे. या मुलांचे शिक्षण आणि त्यांनी त्यांच्या आवडत्या क्षेत्रात पुढे जावे यासाठी मी त्यांना कायमच सहकार्य करेन”, असे यावेळी चेतन म्हणाले.

योगायोग म्हणजे दोन वर्षांपूर्वी बालदिनादिवशीच चेतन यांनी त्यांच्या पहिल्या विश्वविक्रमाची नोंद केली होती. आज याच दिवशी त्यांनी आपल्या सहाव्या विश्वविक्रमाची नोंद केली आहे. चेतन त्यांच्या प्रत्येक मोझॅक आर्टमध्ये पूर्वी कधीही वापर न झालेल्या वस्तूंचा समावेश करतात. यावेळी त्यांनी प्लॅस्टिकच्या रंगीबेरंगी चेंडूंचा वापर केला आहे. चिमुकल्यांना चेंडूंचे आकर्षण असते. त्यामुळे हे मोझॅक पोट्रेट इतरांपेक्षा लहान मुलांना अधिक जवळचे वाटावे हा चेतन यांचा उद्देश होता.

Related posts

जीन्स घालते म्हणून मी लग्नाचे मटेरियल नाही काय?

News Desk

प्रसिद्ध स्टँडअप कॉमेडियन राजू श्रीवास्तव यांनी घेतला अखेरचा श्वास

Aprna

बीग बी अमिताभ यांच्याकडून मुंबई स्पीरिटचे कौतुक

News Desk