नवी दिल्ली | सीबीआयचे संयुक्त संचालक एम. नागेश्वर राव यांची अंतरिम प्रमुख म्हणून निवड करण्यात आली आहे. सीबीआयच्या (केंद्रीय अन्वेषण विभाग) सीबीआय संचालक आलोक वर्मा आणि राकेश अस्थाना या दोन वरिष्ठ अधिकाऱ्यांमधील वादाची केंद्र सरकारने गंभीर दखल घेतली आहे. केंद्राने या दोन्ही अधिकाऱ्यांना सक्तीच्या रजेवर पाठवले आहे. सीबीआयने क्रमांक दोनचे अधिकारी विशेष संचालक राकेश अस्थाना यांच्यावर मांस व्यापारी मोईन कुरेशी यांच्याकडून तीन कोटी रुपयांची लाच घेतल्याचा आरोप करण्यात आला होता. काल (सोमवारी) पंतप्रधान नरेंद्र मोदी यांनी या प्रकरणात स्वतः लक्ष घातले होते.
सीबीआयचे अंतरिम प्रमुख म्हणून निवड झालेले एम. नागेश्वर राव हे तेलंगणामधील वारंगल जिल्ह्याचे आहे. तसेच १९८६ च्या बॅचचे ओडिशा केडरचे आयपीएस अधिकारी आहेत.सीबीआय संचालक आलोक वर्मा यांच्या जागेवर तत्काळ नागेश्वर राव यांची नियुक्ती करण्यात आली आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
