नवी दिल्ली | पेट्रोल-डिझेलचे दर वाढत असल्याने सर्वसामान्यांकडून संताप व्यक्त केला जात होता. मोदी सरकारवर सर्वस्तरातून टीका होत होती. सतत होणाऱ्या टीकेमुळे सरकारने पेट्रोल प्रति लिटर ७ पैसे तर डिझेल ५ पैशांनी स्वस्त करुन सर्व सामान्यांना खूश करण्याचा प्रयत्न केला आहे. दिल्लीमध्ये गुरुवारी पेट्रोलचा दर ७८.३५ रूपये आणि डिझेल ६९.२५ रूपये असा आहे. तर मुंबईत पेट्रोलचा दर ८६.१६ रूपये तर डिझेल ७३.७३ रूपये दर आहेत.
कर्नाटक विधानसभा निवडणूक झाल्यानंतर सलग १६ दिवस इंधन दर वाढ होत होती. सतत होणाऱ्या दरवाढीमुळे सरकारवर टीकेची झोड उटली होती. सर्व विरोधकांनी इंधन दर वाढीचा निषेध व्यक्त करण्यासाठी आंदोलने केली. त्यानंतर सरकारने बुधवारी आणि गुरुवारी दरांमध्ये किरकोळ घट केली आहे. बुधवारी सकाळी पेट्रोल व डिझेलच्या दरात १ पैशांनी घट झाल्याचे स्पष्टीकरण इंडियन ऑइल कॉर्पोरेशनकडून देण्यात आले आहे.
कर्नाटक विधानसभा निवडणूक काळात पेट्रोल, डिझेलची दरवाढ रोखण्यात आली होती. जवळपास तीन आठवडे इंधनाचे दर वाढलेले नव्हते. मात्र कर्नाटकमध्ये मतदान होताच इंधन दराचा भडका उडाला. त्यानंतर सलग 16 दिवस पेट्रोल, डिझेलचे दर वाढत राहिल्याने त्याची मोठी झळ सर्वसामान्य जनतेला सहन करावी लागली.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
