HW News Marathi
देश / विदेश

‘राम मंदिर’ लोकसभा निवडणुकीपूर्वीच उभारू | अमित शहा

हैदराबाद | भाजपनं २०१९ मध्ये होणाऱ्या लोकसभा निवडणुकीपूर्वी पुन्हा एकदा जय श्रीरामचा नारा देण्याचं ठरवलं आहे. कारण आयोध्येत राम मंदिर बांधकामाला निवडणुकीपूर्वी सुरुवात केली जाईल असं भाजपा अध्यक्ष अमित शहा यांनी स्पष्ट केलं. काल हैदराबादमध्ये आमित शहा यांनी भाजप नेत्यांसोबत झालेल्या बैठकीत ठरविले आहे.

भाजप नेते पी. शेखर यांनी माध्यमांशी बोलताना सांगितले की, तेलंगणा राज्याच्या भाजप कार्यलयात ही बैठक पार पडली. आतापर्यंत राम मंदिर वादविवादाच्या गोष्टीचा क्रम पाहिला. तर २०१९ च्या निवडणुकीपूर्वी बांधकामास सुरुवात होऊ शकते असे शहा यांनी बैठकीत सांगितले. त्यामुळे लोकसभा निवडणुकीपूर्वी पुन्हा एकदा राम मंदिराच्या मुद्द्यावरून राजकारण तापण्याची शक्यता निर्माण झाली आहे. थोडे दिवस धीर धरा, अयोध्येत राम मंदिर नक्की होईल, असं विधान उत्तर प्रदेशचे मुख्यमंत्री योगी आदित्यनाथ यांनी गेल्या आठवड्यात केलं होतं. आता अमित शाहांनीही हा नारा दिला आहे. सध्या राम मंदिराचा मुद्दा सुप्रीम कोर्टात आहे. तर अमित शहांच्या दाव्यामुळे पुन्हा एकदा राम मंदिर प्रकरणामुळे राजकीय वातावरण तापण्याची शक्यता आहे.

राम मंदिराचा मुद्दा नेहमीच राजकारणाच्या केंद्रस्थानी राहिला आहे. शिवसेनेनेही भाजपला सातत्याने याच मुद्द्यावरुन टोमणे लगावले आहेत. शिवाय भाजपचे अनेक नेतेही वेळो-वेळी राम मंदिराबाबत वक्तव्य करत असतात. नुकतंच भाजपचे माजी खासदार आणि राम जन्मभूमी न्यायसचे ज्येष्ठ सदस्य डॉ. रामविलास दास वेदांती यांनी म्हटलं होतं. की, भाजपने जर राम मंदिर उभारलं नाही, तर ते रसातळाला जातील. शिवाय राष्ट्रीय स्वयंसेवक संघाचे सरसंघचालक यांनीही राम मंदिराबाबत वेळोवेळी वक्तव्यं केली आहेत. अयोध्येतल्या वादग्रस्त जागेवर राम मंदिराशिवाय दुसरी कोणतीच वास्तू उभी राहणार नाही, तिथे फक्त राम मंदिरच उभं राहणार, असं विधान सरसंघचालक मोहन भागवत यांनी केलं होतं. कर्नाटकातल्या धर्मसंसदेच्या कार्यक्रमात ते बोलत होते.

Dear Readers,
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.

Related posts

काश्मीरमधील सोपोरमध्ये दोन दहशतवाद्यांना कंठस्नान

News Desk

फेसबुक लाइव्हवर दाखवला सामूहिक बलात्कार

News Desk

अटल बिहारी वाजपेयी रुग्णालयात दाखल

News Desk