नवी दिल्ली – येथील एका पंचतारांकित हॉटेलच्या अधिकाऱ्याने महिला कर्मचाऱ्यांच्या अब्रूवर घाला घालण्याचा प्रयत्न केल्याचा प्रकार उघडकीस आल्याने खळबळ उडाली आहे. विशेष म्हणजे पीडित महिलेने याबाबत व्यवस्थापनाकडे वारंवार तक्रार करूनही त्याची दखल घेण्यात आली नाही. उलट पोलिसात तक्रार केल्याने पीडितेलाचं नोकरीवरून काढून टाकण्यात आले.
हॉटेलच्या एका वरिष्ठ अधिकाऱ्यांने महिला कर्मचाऱ्यांची साडी खेचून उतरविण्याचा आणि तिला जवळ ओढण्याचा प्रयत्न केल्याचा प्रकार सीसीटीव्हीमध्ये चित्रित झाल्यानंतर या प्रकरणाला वाचा फुटली. हा प्रकार 29 जुलैला दिल्लीच्या प्राईड प्लाजा हॉटेलमध्ये घडला.
33 वर्षीय पीडित महिला दोन वर्षांपासून हॉटेलच्या गेस्ट रिलेशन सेक्शनमध्ये नोकरी करत होती. हॉटेलचा सुरक्षा व्यवस्थापक पवन दहीया अनेक दिवसांपासून शरीरसुखासाठी तिच्यावर दबाव टाकत होता. याबाबत तिने व्यवस्थापनाकडे तक्रारीही केल्या होत्या. 29 जुलैला त्याने पीडित महिलेला त्याच्या रुममध्ये बोलवले. तिथे त्याने साडी खेचून महिलेला जवळ ओढण्याचा प्रयत्न केला. त्याचदरम्यान पवनच्या रुममध्ये एक व्यक्ती आली, हीच संधी साधून पीडित महिला तिथून बाहेर पडली. हा घटनाक्रम सीसीटीव्हीत कैद झाला आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
