मुंबई । समलैंगिक संबंधांना गुन्हा ठरवणार-या कलम ३७७ रद्द करण्याचा ऐतिहासिक निकाल गुरुवारी (आज) सर्वोच्च न्यायालयाने दिला आहे. या निकालानंतर मुंबईतील एलजीबीटी समुदयाने जल्लोषात साजरा केला. एलजीबीटी या समुदायाने सांताक्रूझ येथील ‘द हमसफर ट्रस्ट’च्या कार्यालयापासून कलिना विद्यापीठापर्यंत मिरवणूक काढण्यात आली. या मिरवणुकीत सर्व एलजीबीटी समुदायातील सदस्यांनी झिम्मा, फुगडी घालत, नाचत, ढोल-ताशाच्या गजरात आनंद व्यक्त केला.
सर्वोच्च न्यायालयाचा निकाल
समलैंगिकता गुन्हा नसल्याचा महत्त्वपूर्ण निकाल सर्वोच्च न्यायालयाने दिला. प्रत्येकाला स्वत:ची स्वतंत्र ओळख आहे. आधी केलेल्या चुका आता सुधारण्याची गरज असून प्रत्येकाला समानतेचा हक्क आहे. त्यामुळे समलैंगिकानांही मूलभूत हक्क मिळवण्याचा अधिकार आहे. आता जुनी विचारधारा बदलण्याची वेळ आली आहे, असे सर्वोच्च न्यायालयाने आपल्या निकालात म्हटले. सर्वोच्च न्यायालयाने कलम ३७७ रद्द करत स्वत:चा डिसेंबर २०१३ मध्ये दिलेला निकाल बदलला आहे .
पाच न्यायाधीशांचे खंडपीठ
सरन्यायाधीश दीपक मिश्रा यांच्या अध्यक्षतेखालील न्यायमूर्ती आर. एफ. नरीमन, न्यायमूर्ती ए. एम. खानविलकर, न्यायमूर्ती डी. वाय. चंद्रचूड आणि न्यायमूर्ती इंदू मल्होत्रा यांच्या खंडपीठाने १० जुलैपासून या विषयावर सुनावणी सुरू होती. ही सुनावणी १७ जुलै रोजी संपली. यानंतर न्यायालयाने आपला निकाल राखून ठेवला होता.
सर्वोच्च न्यायालयाने दिलेल्या निकालाने समाजात आमच्या एलजीबीटी समुदयाचा सन्मान केला असल्याची माहिती ‘द हमसफरट्रस्ट’च्या उर्मी जाधव यांनी एच. डब्ल्यूला दिली.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
