नवी दिल्ली | सर न्यायाधीश रंजन गोगोई यांनी ‘नो लीव्ह’ फॉर्म्यूला सुरू केला आहे. सर्वोच्च न्यायालयाचे सर न्यायाशीपदाची नुकतीच धुरा सांभाळणारे रंजन गोगोई यांनी न्यायाधीशांच्या सुट्ट्या रद्द केल्या आहेत. न्यायालयात प्रलंबित असणाऱ्या प्रकरणे मार्गी लावण्यासाठी कामकाजांच्या दिवशी न्यायाधीशांना सुट्टी न देण्याचा निर्णय गोगोई यांनी घेतला आहे. देशात सध्या तीन कोटींपेक्षा जास्त प्रकरणे प्रलंबित असल्यामुळे नो लीव्हा हा फॉर्म्यूला लागू केला आहे.
सर न्यायाधीश रंजन गोगोई यांनी ३ ऑक्टोबरला देशाचे ४६वे सर न्यायाधीपदाची शपथ घेतली आहे. यानंतर सर्वोच्च न्यायालय, उच्च न्यायालय आणि ट्रायल कोर्टमधील प्रलंबित करोडो प्रकरणांचे ओझे हलके करण्यासाठी त्यांनी पावले उचलणार असल्याचे संकेत त्यांनी दिले होते.
पद भार स्वीकारल्यानंतर गोगोई यांनी आठवड्याभरात त्यांनी प्रत्येक उच्च न्यायालयाच्या मुख्य न्यायाधीश आणि दोन वरिष्ठ न्यायाधीशांशी व्हिडिओ कॉन्फरन्सिंगच्या माध्यमातून चर्चा केली. गोगोई यांनी न्यायाधीशांना कामकाजाच्या दिवशी एलटीसी घेण्यावरही बंदी आणली आहे. ही सर्व प्रलंबित प्रकरणे निकाली काढण्यासाठी जास्त कालावधी लागेल. त्यामुळे नो लीव्हा हा यावर तोडगा काढला आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
