नवी दिल्ली | दिपक मिश्रा यांना पदावरुन दूर करण्यासाठी विरोधकांकडून हालचाल होताना पहायला मिळत आहे. दिपक मिश्रा हे सर्वोच्च न्यायालयाचे सरन्यायाधीश असून न्यायमूर्ती लोया प्रकरणात हि केस सीबीआयकडे देण्यात यावी ही याचिका त्यांनी फेटाळली होती. सध्या मिश्रांना पदावरून दूर करण्याच्या हालचाली विरोधकांनी सुरु केल्या आहेत. या संदर्भात काँग्रेसचे राज्यसभेचे विरोधी पक्षनेते गुलाम नबी आझाद शुक्रवारी राज्यसभा अध्यक्ष व्यंकय्या नायडू यांची भेट घेणार आहेत.
मिश्रांना पदावरून हटविण्यासाठी पक्षांचे नेते आग्रही आहेत. त्यांना पदावरुन हटविण्यासाठी राज्यसभेच्या 67 खासदारांची स्वाक्षरी असलेले पत्र नायडू यांच्याकडे शुक्रवारी देण्यात येणार आहे. न्यायमूर्ती लोया यांच्या मृत्यू प्रकरणाची चौकशी करण्यात यावी, अशी मागणी करुन यासाठी सर्वोच्च न्यायालयात याचिका दाखल करण्यात आली होती. सर्वोच्च न्यायालयाने ही याचिका फेटाळून लावत न्यायमूर्ती लोया यांचा मृत्यू नैसर्गिकच असल्याचा निकाल दिला. त्यामुळे काँग्रेसने हा निर्णय भारतीय न्यायव्यवस्थेतीस ‘सॅड लेटर डे’ असल्याचे म्हटले आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
