लखनऊ | एका आंतरधर्मीय जोडप्याला संरक्षण देण्याचा निर्णय घेताना वयात आलेल्या मुला-मुलींना, त्यांचा धर्म (religion) कुठलाही असो पण त्यांना त्यांच्या पसंतीच्या व्यक्तीबरोबर लग्न करण्याचा पूर्ण अधिकार आहे, असे अलाहाबाद उच्च न्यायालयाने पुन्हा एकदा स्पष्ट केले आहे. पालकही त्यांच्या नात्यावर आक्षेप घेऊ शकत नाहीत, असे न्यायाधीश मनोज कुमार गुप्ता आणि न्यायाधीश दीपक वर्मा यांच्या खंडपीठाने सांगितले. “धर्म कुठलाही असो, वयात आलेल्या मुला-मुलींना लग्नासाठी त्यांच्या पसंतीचा जोडीदार निवडण्याचा पूर्ण अधिकार आहे. सध्या समोर असलेली याचिकाही दोन व्यक्तींनी केलेली संयुक्त याचिका आहे. त्यांनी परस्परांवर प्रेम असल्याचा दावा केला असून त्यामुळे आमच्या मते कोणालाही, त्यांच्या पालकांनाही नात्यावर आक्षेप घेण्याचा अधिकार नाही. असे कोर्टाने म्हटले आहे” बार अँड बेचने ही माहिती दिली आहे.
शीफा हसन आणि तिच्या जोडीदाराने ही याचिका दाखल केली होती. दोघेही उत्तर प्रदेशचे रहिवासी आहेत. आम्ही परस्परांच्या प्रेमात आहोत. स्वेच्छेने एकत्र राहत आहोत. धर्मांतर करुन हिंदू बनण्यासाठी आपण अर्ज केला आहे. जिल्हा न्यायदंडाधिकाऱ्यांनी संबंधित पोलीस ठाण्यातून अहवालही मागवला आहे, अशी माहिती शीफा हसनने तिच्या याचिकेतून दिली आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
