Connect with us

देश / विदेश

भारताच्या सर्वात वजनदार जीसॅट-११ उपग्रहाचे यशस्वी प्रक्षेपण

News Desk

Published

on

नवी दिल्ली | इस्त्रो  या भारतीय अवकाश संशोधन संस्थेने तयार केलेल्या सर्वांधिक वजनदार असलेल्या जीसॅट-११ या उपग्रहाचे आज बुधवारी(५ डिसेंबर) मध्यरात्री २.०७ वाजता यशस्वी प्रक्षेपण करण्यात आले आहे. युरोपियन स्पेस एजन्सी, फ्रेंच गुयाना येथून जीसॅट-११ ने अवकाशाकडे यशस्वी झेप घेतली आहे. हा उपग्रह ग्रामीण क्षेत्रातील इंटरनेट क्रांतीसाठी मैलाचा दगड मानला जात आहे. यामुळे देशातील इंटरनेट स्पीड वाढण्यास मदत होणार असल्याचे ‘इस्त्रो’ने म्हटले आहे.

 

हा कम्युनिकेशन उपग्रह ५,८५४ किलो वजनाचा असून तो पृथ्वीपासून ३६,००० किलोमीटर दूरवर जाणार आहे. उच्च क्षमता असलेला हा उपग्रह पुढील वर्षात देशात प्रत्येक सेकंदाला १०० गीगाबाईट पेक्षा अधिक ब्रॉडबँड कनेक्टिव्हिटी देणार आहे. विशेषतः ग्रामीण भागात यामुळे इंटरनेट क्रांती होईल, असे ‘इस्त्रो’चे चेअरमन के. सिवन यांनी म्हटले आहे.

देश / विदेश

#PulwamaAttack : ‘अमर रहे’च्या घोषणांनी, बुलडाण्यातील दोन्ही शहीद जवानावर शासकीय इतमामात अंत्यसंस्कार

News Desk

Published

on

नवी दिल्ली | जम्मू-काश्मीरमधील पुलवामा येथे सीआरपीएफच्या ताफ्यावर झालेल्या दहशतवादी हल्ल्यात शहीद झालेल्या जवानांचे पार्थिव त्यांच्या मूळ गावांकडे रवाना झाले आहेत. महाराष्ट्रातील दोन जवान शहीद झाले आहेत. शहीद संजय राजपूत आणि शहीद नितीन राठोड यांचे पार्थिव आज(१६ फेब्रुवारी) सकाळी औरंगाबाद विमानतळावर दाखल झाले होते. यानंतर बुलडाण्याच्या दोन सुपुत्रांना त्यांच्या मूळ मलकापूर संजय राजपूत आणि लोणार तालुक्यातील चोरपांग्राचे नितीन राठोड त्यांच्या गावी शासकीय इतमामात अंत्यसंस्कार करण्यात आले.

मलकापूर येथील संजयसिंह भिकमसिंह दीक्षित (राजपूत) आणि लोणार तालुक्यातील चोरपांग्रामधील नितीन शिवाजी राठोड हे दोन सीआरपीएफ जवान पुलवामा येथील दहशतवादी ह्ल्ल्यात शहीद झाले. हे दोघेही १० फेब्रुवारीला सुट्‍टी संपल्यानंतर ड्यूटीवर रूजू झाले होते. या दोन्ही शहीद जवानांच्या अंत्यसंस्काराच्या वेळी उपस्‍थित नागरिकांनी ‘अमर रहे, शहीद जवान अमर रहे’ अशा घोषणा देण्‍यात आल्‍या.

या दोन्ही जवानांच्या अंत्यसंस्काराच्या वेळी पंचक्रोशीतील नागरिकांची मोठी गर्दी उपस्थित होते. दोन्‍ही जवानांच्‍या पार्थिवावर चोरपांगरा आणि मलकापूर येथे अंत्‍यसंस्‍कार करण्‍यात आले. जम्मू-काश्मीरमधील पुलवामा जिल्ह्यातील अवंतीपोरा भागात सीआरपीएफच्या ताफ्यावर दशतवाद्यांनी गुरुवारी (१४ फेब्रुवारी) झालेल्या हल्ल्यात ४० जवान शहीद झाले आहेत. या हल्ल्याची जबाबादारी जैश-ए-मोहम्मद या दहशतवादी संघटनेने स्वीकारली आहे.

 

Continue Reading

देश / विदेश

काश्मीरमधील राजौरीत आयईडीचा भीषण स्फोट

News Desk

Published

on

नवी दिल्ली | काश्मीरमधील राजौरी जिल्ह्यातील नौशेरा सेक्टरमध्ये आज (१६ फेब्रुवारी) आयईडीचा भीषण स्फोट झाला आहे. दहशतवाद्यांकडून भारतीय लष्करासाठी हे आयईडी स्फोट पेरण्यात आले होते. या आयईडीचा स्फोटात  एक जवान शहीद झाला असून, एक जवान जखमी आहे. तो लष्कराचा अधिकारी आयईडी बॉम्ब निष्क्रिय करण्याचा प्रयत्न करत असतानाच आयईडीचा स्फोट झाला. या स्फोटात एका जवानाला वीरमरण आले.

राजौरी जिल्ह्यातील नौशेरा सेक्टरमधल्या प्रत्यक्ष नियंत्रण रेषेच्या आतील १.५ किलोमीटर अंतरावर दहशतवाद्यांनी हा आयईडीचा बॉम्ब भारतीय लष्करासाठी पेरून ठेवला होता. त्यानंतर लष्करातील एका अभियंत्या जवानाने तो निष्क्रिय करण्याचा प्रयत्न केला. परंतु त्यादरम्यानच बॉम्बचा स्फोट झाला आणि तो जवान शहीद झाला. संपूर्ण परिसराला लष्कराने घेरले असून भारतीय लष्कराकडून सर्च ऑपरेशन सुरू आहे.

 

 

Continue Reading
February 2019
M T W T F S S
« Jan    
 123
45678910
11121314151617
18192021222324
25262728  

महत्वाच्या बातम्या