HW News Marathi
देश / विदेश

सुधा भारद्वाज पुणे पोलिसांच्या ताब्यात

फरीदाबाद । शहरी नक्षलवादाच्या आरोपावरुन पुणे पोलिसांनी मानवाधिकार कार्यकर्त्या सुधा भारद्वाज यांना ताब्यात घेतले आहे .पुण्याच्या विशेष न्यायालयाने यांचा जामीन अर्ज फेटाळताच पुणे पोलिसांनी भारद्वाज यांना ताब्यात घेतले आहे. हरियाणातील फरीदाबादमध्ये जाऊन पुणे पोलिसांनी ही कारवाई केली होती.

पुणे पोलिसांनी हरियाणा पोलिसांसोबत सर्व औपचारिकता रात्रीच पूर्ण केल्या. महिलेला सूर्यास्तानंतर अटक करता येत नाही. त्यामुळे पोलिसांकडून सकाळ होण्याची वाट पाहण्यात आली. पुणे पोलीस रात्री साडे बारा वाजता सुधा भारद्वाज यांच्या निवासस्थानी पोहोचले होते.

भीमा कोरेगाव प्रकरणी नक्षलवाद्यांशी संबंध असल्याचा आरोपावरून वर्नोन गोन्सालवीस, सुधा भारद्वाज आणि अरुण फरेरा यांचा जामीन अर्ज पुणे सत्र न्यायालयाने फेटाळला आहे. यानंतर पुणे पोलिसांनी या दोघांना अटक केले आहे. सर्वोच्च न्यायालयाने त्यांना नजरकैदेत ठेवण्याचे आदेश दिले होते.माअाेवाद्यांशी संबंध असल्याच्या अाराेपावरुन नजरकैदेत असलेल्या वर्नोन गाेन्सालवीस यांना अंधेरीतून तर अरुण फरेरा यांना ठाण्यातून पुणे पोलिसांनी अटक केली होती. या दोघांचाही जामीन अर्ज फेटाळण्यात अाल्याने पुणे पाेलिसांनी अटक केली होती. त्यांना अाज पुण्यातील शिवाजीनगर काेर्टात हजर करण्यात अाले असून सुनावणीला सुरुवात झाली अाहे.

Dear Readers,
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
Some error occurred

Related posts

मुख्यमंत्री योगी आदित्यनाथ यांनी राजीनामा द्यावा, काँग्रेसची मागणी!

News Desk

मराठा आरक्षणावरील आजची सुनावणी पुढे ढकलली, पुढील सुनावणी ५ फेब्रुवारीला होणार!

News Desk

भारतात मोमो चॅलेंजचा दुसरा बळी

Gauri Tilekar
क्रीडा

वेस्ट इंडिजला पुन्हा झटका

swarit

पुणे । भारत-वेस्ट इंडिज यांच्यातील तिसऱ्या सामन्यात भारताने नाणेफेक जिंकून क्षेत्ररक्षणाचा निर्णय घेतला आहे. वेस्ट इंडिजचे दोन गडी ४० धावांतच तंबूत परतले आहेत. यजमान भारतीय संघाने सध्या १-० अशी आघाडी या मालिकेत घेतली आहे. आजचा सामना जिंकून मालिकेतील आघाडी वाढवण्याचा प्रयत्न विराट कोहलीच्या टीम इंडियाचा असेल, तर पाहुणा वेस्ट इंडिज संघ आजचा सामना जिंकून मालिकेत बरोबरी राखण्यासाठी जोरदार प्रयत्न करेल. विशाखापट्टणम येथे झालेल्या दुसर्‍या सामन्यात पाहुण्यांचा विजय थोडक्यात हुकला होता. दुसरा सामना बरोबरीत सोडवण्यात वेस्ट इंडिजयला यश आले होते.

हेटमेयर आणि होप यांच्या दमदार फलंदाजीच्या जोरावर विंडीजने या सामना टाय राखण्यात यश मिळवले. मालिकेतील सलग दुसरे शतक हेटमेयरचे थोडक्यात हुकले. तर होपने मात्र शानदार शतकी खेळी करून विंडीजला सामन्यात बरोबरी करून देण्यात मोठी भूमिका बजावली. सामनात बरोबरीत सुटल्यामुळे भारतीय कर्णधार विराट कोहलीने या सामन्यात नोंदवलेले अनेक विक्रम झाकोळले गेले. त्याने वनडे सामन्यात सर्वात वेगवान १० हजार धावा पूर्ण करण्याचा विश्वविक्रम केला होता.या मालिकेत विराट चांगलाच फॉर्मात असून, आतापर्यंतच्या दोन्ही सामन्यात त्याने शानदार शतके फटकावली आहेत. त्याच्या नावावर २९७ धावांची नोंद झाली आहे. शेवटच्या ३ सामन्यांसाठी भारतीय संघाने पुन्हा भुवनेश्वर कुमार आणि जसप्रीत बुमराह यांचा समावेश केल्यामुळे भारतीय गोलंदाजीची ताकद अधिक वाढली आहे.

त्यामुळे विंडीज संघ या दोघांचा कसा मुकाबला करतो हे बघणे महत्वाचे ठरेल. या दोघांच्या गैरहजेरीत विंडीज संघाने भारतीय गोलंदांजाचा चांगला समाचार घेतला आहे. पहिल्या दोन सामन्यात विंडीजने यशस्वी टप्पा गाठला. त्यांचा हेटमेयर चांगला फॉर्मात असून, त्यानेही दोन सामन्यात २०० पेक्षा जास्त धावा केल्या आहेत. अंबाती रायडूने चौथ्या क्रमांकावर चांगली फलंदाजी करून आपले संघातील स्थान निश्चित केले आहे. पण ५, ६ आणि ७ या क्रमांकावर सातत्याने चांगली फलंदाजी करणारे फलंदाज भारतीय संघाला अद्याप मिळाले नाहीत.

पुढल्या वर्षी विश्वचषक स्पर्धा होत असताना आणि त्याअगोदर जेमतेम आता १६ वनडे सामन्यात भारतीय संघ खेळणार असताना भारतीय संघासाठी ही गोष्ट निश्चित चांगली नाही. त्यामुळे संघ व्यवस्थापनासमोर मोठा पेच निर्माण झाला आहे. माजी कर्णधार धोनीला अद्याप फलंदाजीत सूर गवसत नसल्यामुळे त्याचेही संघातील स्थान धोक्यात आले आहे. त्याचा युवा सहकारी ऋषभ पंतकडून भारतीय संघ मोठ्या धावसंख्येची अपेक्षा बाळगून असेल. पांढरा चेंडू हाताळताना फिरकी गोलंदाज चहल आणि यादव यांनादेखील जड जात आहे. विंडीजचे युवा फलंदाज पॉवेल, चंद्रपॉल, सॅम्युअल यांना अद्याप सूर गवसला नाही. राहिलेल्या सामन्यात ते चांगली कामगिरी करतील, अशी आशा संघ व्यवस्थापन करत असेल. विंडीज कर्णधार होल्डर आणि थॉमस हे दोघेदेखील गोलंदाजीत अपयशी ठरेल आहेत. त्यांच्याकडून विंडीज संघ राहिलेल्या सामन्यात बर्‍यापैकी कामगिरीची अपेक्षा बाळगत असेल. दुसरा सामना टाय झाल्यामुळे विंडीज संघाचे मनोर्धेर्य निश्चित उंचावले असेल. त्यामुळे आजची ही लढत रंगतदार होण्याची शक्यता नाकारता येत नाही.

Related posts

भालाफेकीत २० वर्षीय नीरज चोप्राने पटकावले सुवर्णपदक

News Desk

विदर्भ संघाने दुसऱ्यांदा रणजी करंडकावर नाव कोरले

News Desk

भारतीय हॉकी संघाचा जादुई खेळाडू ध्यानचंद

News Desk