मुंबई | कोलकत्त्याहून मुंबईला येणाऱ्या विमानामध्ये एका तरुणाला सोमवारी(२६ नोव्हेंबर)ला सकाळी अटक करण्यात आले आहे. विमानात स्फोट घडवून आणण्याबाबत हा तरुण आपल्या फोन वरुन एका व्यक्तिसोबत संवाद साधत होता. या तरुणाचे संशयास्पद वागणे लक्षात येताच विमान उडण्याआधीच त्या तरुणाला विमानतळावरील पोलीसांनी अटक केली.
वेदान पोद्दार असे या तरुणाचे नाव असून हा कोलकत्त्याहून मुंबईला येणाऱ्या 9W472 जेटएअरवेजच्या विमानातून तो प्रवास करणार होता. विमानात वेदान आसनावर बसला असताना त्याचे वर्तन संशयास्पद वाटले होते. वेदान याने आपल्या तोंडावर रुमाल बांधला होता. त्याच ठिकाणी त्याने सेल्फी काढून आक्षेपार्ह कमेंटसह वॉट्सएपवर पाठवून मेसेज करायला सुरुवात केली होती.
वेदानच्या शेजारी बसलेल्या सहप्रवाशाला वेदानचे वर्तन संशयास्पद वाटले. त्याचा वॉट्सएप मॅसेज सहप्रवाश्याने पाहिले असता त्यात एक विचित्र संदेश लिहीला होता. तेव्हा त्या सहप्रवाश्याने ती बाब केबिन क्रूच्या लक्षात आणून दिली. तात्काळच विमानतळ पोलिसांशी संपर्क करुन वेदानला ताब्यात घेतले. या प्रकरणाचा पुढील तपास सीआयएसएफ करणार आहे. वेदान पोद्दार हा कोलकाताचा रहीवासी असून मुंबईला नोकरीच्या मुलाखतीसाठी येत असल्याचे चौकशीत समोर आले आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
