दिल्लीत कोरोनाची तिसरी लाट !, मुख्यमंत्र्यांनी दिली माहिती 

नवी दिल्ली | देशातील कोरोनाबाधितांचा आकडा काहीसा नियंत्रणात येत असल्याचे चित्र असे तरीही राजधानी दिल्लीतील कोरोनास्थिती दिवसेंदिवस होत असल्याचे आढळून येत आहे. याच पार्श्वभूमीवर, दिल्लीचे मुख्यमंत्री अरविंद केजरीवाल यांनी दिलेल्या माहितीनंतर चिंता आणखी वाढली आहे. गेल्या काही दिवसांपासून दिल्लीतील कोरोनाबाधितांची संख्या पुन्हा अधिक प्रमाणात वाढ असून दिल्लीत कोरोनाची तिसरी लाट सुरु झाली असल्याचे मुख्यमंत्री केजरीवाल यांनी सांगितले आहे.

दिल्लीचे मुख्यमंत्री अरविंद केजरीवाल याविषयी बोलताना म्हणतात कि, “दिल्लीत कोरोनाबाधितांच्या आकड्यात पुन्हा एका मोठ्या प्रमाणात वाढ झाल्याचे आढळून आले आहे. माझ्या मते आपण याला दिल्लीतील कोरोनाची तिसरी लाट म्हणू शकतो. सातत्याचे आमचे कोरोनाच्या संपूर्ण परिस्थितीवर लक्ष असून नागरिकांनी कोणत्याही प्रकारची काळजी करण्याची काही गरज नाही. आम्ही आवश्यक ती सर्व पाऊलं टाकणार आहोत”, असे केजरीवाल म्हणाले.

दरम्यान, दिल्लीत मंगळवारी (३ नोव्हेंबर ६ हजार नवे कोरोना रुग्ण आढळून आले. तर गेल्या ५ दिवसांपासून दररोज तब्बल ५ हजारांहुन देखील अधिक कोरोनाबाधित आढळून येत आहेत.