नवी दिल्लीः सातव्या वेतन आयोगानुसार खासदारांनना पगारवाढ देण्याची मागणी समाजवादी पक्षाचे खासदार नरेश अग्रवाल यांनी केली आहे. आमचे पगार केंद्र सरकारमधील सचिवांपेक्षा कमी असून आम्हाला मानधन वाढवून दिले पाहिजे, अशी मागणी अग्रवाल यांनी केली.
लोकसभा आणि राज्यसभेत शेतकरी आणि स्वयंघोषित गोरक्षकांचा हिंसाचार यावरुन केंद्र सरकारची कोंडी करण्याचे विरोधकांचे मनसुबे आहेत. पण राज्यसभेत समाजवादी पक्षाचे खासदार नरेश अग्रवाल यांनी थेट मानधनाचा मुद्दा उपस्थित केला. आमचा पगार केंद्रीय सचिवांपेक्षा कमी आहे. आमचा पगारही सातव्या वेतन आयोगाशी जोडावा अशी मागणीच त्यांनी केली. अग्रवाल यांच्या मागणीवर काँग्रेस खासदार आनंद शर्मा यांनी भाष्य केले. भारतातील खासदारांना नेहमीच अपमानित केले जाते. कारण इकडचे खासदार स्वतःच त्यांचा पगार ठरवतात. खासदारांच्या पगारवाढीच्या मागणीवर केंद्र सरकारने अद्याप उत्तर दिलेले नाही. पण शेतकऱ्यांच्या प्रश्नावर चर्चेऐवजी पगारवाढीच्या मागणीला प्राधान्य देणे योग्य आहे का असा सवाल उपस्थित होत आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
