HW News Marathi
देश / विदेश

पेडन्यूजबाबत खोटी माहिती देणारे मंत्री मिश्रा तीन वर्षांसाठी अपात्र

नवी दिल्ली – केंद्रीय निवडणूक आयोगानं मध्यप्रदेशचे मंत्री नरोत्तम मिश्रा यांना तीन वर्षांसाठी अपात्र केलंय. मिश्रा यांनी निवडणूक लढवतांना आयोगाला सादर केलेल्या खर्चाच्या विवरणामध्ये खोटी माहिती दिल्याप्रकरणी आयोगानं ही कारवाई केल्याची माहिती आयोगाच्या प्रवक्त्यांनी दिलीय. मिश्रा हे दातिया विधानसभा मतदारसंघातून निवडून आले होते. या कारवाईमुळं मिश्रा यांना २०१८ साली होणाऱी विधानसभा निवडणूक लढवता येणार नाही.

काँग्रेसचे नेते राजेंद्र भारती यांनी मिश्रा यांच्या विरोधात तक्रार केली होती. मुख्यमंत्री शिवराज सिहं चौहान यांचे मिश्रा हे निकटवर्तीय समजले जातात. मिश्रा यांनी २००८ मध्ये निवडणूक आयोगाला सादर केलेल्या खर्चाच्या विवरणपत्रामध्ये अपेक्षित माहिती भरलेली नाही. त्याप्रकरणी १५ जानेवारी २०१३ मध्ये निवडणूक आयोगानं मिश्रा यांना नोटीस बजावली होती. आयोगाच्या नोटीसीविरोधात मिश्रा यांनी मध्यप्रदेश उच्च न्यायालय आणि सर्वोच्च न्यायालयात दाद मागितली होती. मात्र, या दोन्ही ठिकाणी त्यांना दिलासा मिळाला नाही. त्यामुळं अखेर निवडणूक आय़ोगानं मिश्रा यांना तीन वर्षांसाठी अपात्र ठरवण्याचा निर्णय घेतलाय.

Dear Readers,
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
Some error occurred

Related posts

Republic Day | ‘मेक इन इंडिया’ अंतर्गत महाराष्ट्रात गुंतवणूक करण्यास सर्वाधिक पसंती

News Desk

भारतीय अंतराळवीर आता जाणार आंतरराष्ट्रीय अंतराळ स्थानकावर

Gauri Tilekar

नववर्षात भारताने केला आगळा वेगळा विक्रम

News Desk
महाराष्ट्र

मुख्यमंत्र्यांचंही नाव कोपर्डी बलात्कार प्रकरणी साक्षीदारांच्या यादीत

News Desk

अहमदनगर – कोपर्डी बलात्कार प्रकऱणी मुख्यमंत्री देवेंद्र फडणवीस, विशेष सरकारी वकील उज्ज्वल, वैद्यकीय अधिकारी, एका मराठी वृत्तवाहिनीचे संपादक, जिल्हाधिकारी आणि नाशिकच्या फॉरेन्सिक सायन्सच्या संचालकांचा समावेश आहे. कोपर्डी बलात्कारप्रकरणी बचाव पक्षाने थेट मुख्यमंत्री देवेंद्र फडणवीस यांनाच साक्षीला बोलावण्याची तयारी केली आहे. बचावपक्षाच्या वकिलांनी साक्षीदारांच्या यादीत मुख्यमंत्र्यांचंही नाव घेतलं आहे.

सध्या कोपर्डी बलात्कारप्रकरणी कोर्टात जबाब नोंदवणं सुरु आहे. यातील तिसरा आरोपी नितीन भैलुमेने आपली साक्ष देताना सगळे आरोप नाकारले आहेत. त्यानंतर बचावपक्षाचे वकील प्रकाश अहेर यांनी साक्षीदारांची यादी कोर्टात सादर केली. या यादीत मुख्यमंत्री देवेंद्र फडणवीस, दैनिक सकाळचे मुख्य संपादक श्रीराम पवार यांचा समावेश आहे.

अहमदनगरमधील कर्जत तालुक्यातील कोपर्डी गावात 13 जुलै 2016 रोजी नराधमांनी अल्पवयीन मुलीवर बलात्कार करुन तिची निर्घृण हत्या करण्यात आली. याप्रकरणी जितेंद्र शिंदे, संतोष भवाळ आणि नितीन भैलुमे या तिघांना संशयित आरोपी म्हणून अटक करण्यात आली होती. विधानसभेत आणि एका वाहिन्याच्या मुलाखतीत आरोपीला फाशी देणार असल्याचं विधान मुख्यमंत्र्यांनी केलं होतं. त्या पार्श्वभूमीवर मुख्यमंत्र्यांचं नाव साक्षीदारांच्या यादीत समाविष्ट केलं आहे. या अर्जावर 7 जुलैला सुनावणी होणार असून, त्यावेळी मुख्यमंत्री फडणवीस यांनी कोर्टात हजर राहायचं की नाही, याबाबतचा निर्णय होईल.

दरम्यान काल कोपर्डी खटल्यात सलग दुसऱ्या दिवशी आरोपींचे जबाब नोंदवण्यात आले. काल बलात्कार आणि हत्यातील आरोपी संतोष भवाळचा जबाब नोंदवला. यावेळी मला चौकशीसाठी नेऊन अटक केली. मला यासंदर्भात काहीच माहीत नसल्याचा दावा संतोष भवाळने केला. यावेळी बचाव पक्षानं सहा साक्षीदारांची यादी न्यायालयाकडे दिली. या यादीत विशेष सरकारी वकील उज्ज्वल निकम यांच्यासह सहा जणांचा समावेश आहे. आरोपीचे वकील बाळासाहेब खोपडे यांनी ही यादी दिली. त्याचबरोबर खोपडे यांनी न्यायालयात एका मुलाखतीची आणि मुख्यमंत्र्यांच्या भाषणाची सीडीही सादर केली.

अहमदनगरला कोपर्डी खटल्याच्या अंतिम टप्प्यातील सुनावणीला बुधवारपासून सुरुवात झाली. जिल्हा सत्र न्यायालयात अंतिम टप्प्यातील आरोपींचा जबाब नोंदवण्यात आला. बलात्कार आणि हत्यातील मुख्य आरोपी जितेंद्र शिंदेचा जबाब नोंदवण्यात आला. यावेळी न्यायालयानं आरोपीला त्याच्या विरोधातील साक्षी पुरावा वाचून दाखवला. साक्षी पुराव्यावर आरोपीचं म्हणणं विचारण्यात आलं. यावेळी आरोपी जितेंद्र शिंदेनं सर्व आरोप फेटाळून लावले. माझ्या विरोधात साक्षीदारांनी खोटी साक्ष दिल्याचं सांगितलं. मी अत्याचार केला नसून मला गोवण्यात आल्याचं म्हटलंय. त्याचबरोबर वैद्यकीय पुरावेही खोटं असल्याचं शिंदेनं सांगितलं.

Related posts

अखेर ठरलं! महाविकास आघाडीतील नेते राज्यपालांना 7:30 वाजेला भेटणार!

News Desk

चित्रा वाघ यांचा राष्ट्रवादीला रामराम, लवकरच करणार भाजपमध्ये प्रवेश

News Desk

राष्ट्रीय पंचायत पुरस्कार जाहीर; उत्कृष्ट जिल्हा परिषद पुरस्कारात कोल्हापूर अव्वल

Aprna