मेरठ – उत्तर प्रदेश विधानसभेची निवडणूक ही भाजपसाठी ‘स्कॅम’विरोधातील लढाई आहे. आणि हे ‘स्कॅम’ म्हणजे – ‘सपा, काँग्रेस, अखिलेश आणि मायावती ‘ आहेत, अशा शब्दांत पंतप्रधान नरेंद्र मोदींनी विरोधकांवर टीका केली.
‘काँग्रेसवाले उत्तर प्रदेश सरकारला बदनाम करत होते, त्यांच्या कारभारावर टीका करत होते. मग, रातोरात असे काय घडले, की हे दोन्ही पक्ष गळ्यात गळे घालून अचानक एकत्र आले’ असा सवाल मोदींनी उपस्थित केला. ‘ जे पक्ष गेली काही दशके, रात्रंदिवस एकमेकांवर सतत टीका करून दुस-याला संपवण्याता प्रयत्न करत होते. ते आता अचानक एकत्र येऊन, गळ्यात गळे घालून वाचवा, वाचवा असे ओरडत आहेत. जे स्वत:चा बचाव करू शकत नाहीत, ते उत्तर प्रदेशला काय वाचवणार?’ असा सवाल मोदींनी विचारला.
‘ मी दिल्लीवरून उत्तर प्रदेशला मदत करण्याचा प्रयत्न केला, तरी राज्य सरकारची इच्छा नसल्यामुळे हा पैसा दुसरीकडेच जातो’ असा गंभीर आरोपही मोदींनी यावेळी केला. उत्तर प्रदेशचे भाग्य बदलायचे असेल, तर येथील सरकार बदलण्याची गरज आहे, असे सांगत मोदींनी मतदारांना भाजपला मतदान करून सत्ता देण्याचे आवाहन केले. मोदींनी स्कॅम म्हणून उल्लेख केलेल्या पक्ष आणि त्यांच्या नेत्यांच्या प्रत्युत्तराकडे सगळ्यांचे लक्ष लागलेले आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
