मुंबई | नवरात्रीचा उत्सव दिवसेंदिवस अधिक रंगतदार होताना दिसत आहे. मुंबईतील परंपरा जपणाऱ्या गिरगावातील विविध वाड्यांमध्ये वैविध्यपूर्ण खेळांची रंगत वाढत आहे. आकांक्षा प्रतिष्ठान आयोजित आणि महालक्ष्मी होम मेकर्स सहप्रायोजित गिरगाव शारदोत्सवानेही विविध उपक्रमांच्या माध्यमातून गिरगावातील स्त्रियांसाठी खेळ आणि स्पर्धा यांचे आयोजन केले आहे.
या निमित्ताने मुगभाट लेन परिसरात होम मिनिस्टर कार्यक्रम रंगला होता. लहानपणीच्या खेळापासून ते विविध कौशल्य पणाला लावणाऱ्या काही स्पर्धा इथे घेण्यात आल्या. त्यातून अंतिम विजेती निवडून होम मिनिस्टर ठरलेल्या सुषमा मेस्त्री यांना मानाची पैठणी देऊन गौरविण्यात आले. तसेच प्रत्येक फेरीत बाद झालेल्या स्त्रियांनाही भरघोस बक्षिसे देण्यात आली.
या कार्यक्रमासाठी अगडबम फेम अभिनेत्री तृप्ती भोईर यांची विशेष उपस्थिती हजेरी लावली. भोईर यांच्या आगामी अगडबम या चित्रपटाच्या अनोख्या मेकअपच्या आणि मेकिंगच्या गंमतीजमती स्त्रियांशी संवाद साधताना सांगितल्या. या कार्यक्रमाचे सूत्र संचालन आर. जे. रश्मी वारंग यांनी केले. आकांक्षा प्रतिष्ठानच्या उपाध्यक्ष स्वरदा सुदीप नाईक, शिवसेना उपनेत्या मीनाताई कांबळी यांच्या उपस्थितीत माहेरची साडी आणि जमलेल्या स्त्रियांमधून भाग्यवान विजेतीची निवड करत मानाची साडी देऊन स्त्रियांचा सन्मान करण्यात आला. रोजच्या धावपळीच्या आयुष्यात अशा उपक्रमांमुळे आनंदाचे क्षण निर्माण होतात अशा भावना उपस्थित स्त्रियांनी यावेळी व्यक्त केल्या.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
