जेजुरी। “हिटलरशाही आणण्याचा प्रयत्न केला जात” असल्याचा आरोप भारिपचे अध्यक्ष डॉ. प्रकाश आंबेडकर यांनी जेजुरीत केला आहे. पुढे ते असे देखील म्हणाले की, “वंचित समाजाने वेळीच सावध होऊन एकत्र येण्याचे आवाहन” देखील त्यांनी उपस्थितांना केले. वंचित समाजावर वर्चस्व टिकवण्यासाठीच विचारवंतांच्या हत्या केल्या जात आहे असा आरोप करून सरकारव आंबेडकर यांनी हल्लाबोल केला आहे.
जेजुरीमध्ये समस्त धनगर समाज व बहुजन समाजाच्या वतीने दसरा महामेळाव्याचे आयोजन करण्यात आले होते. मेळाव्याला भारिपचे राष्ट्रीय नेते डॉ. प्रकाश आंबेडकर आणि स्वाभिमानी शेतकरी संघटनेचे संस्थापक आणि खासदार राजू शेट्टी एकाच व्यासपीठावर आले होते. “सत्तेत येण्यापूर्वी तत्कालीन भाजपाचे प्रदेशाध्यक्ष देवेंद्र फडणवीसांनी बारामतीच्या मेळाव्यात म्हणाले होते की, सत्तेत आल्यास धनगर समाजाला आरक्षण देण्याचे आश्वासन दिले होते, परंतु मुख्यमंत्री झाल्यावर त्यांना त्यांच्याच आश्वासनाचा विसर पडला आहे. आरक्षणाचे घोंगडे फडणवीस सरकारने भिजत ठेवले आहे. राज्यातील संविधानप्रेमींनी एकाच व्यासपीठावर यायला हवे तरच परिवर्तन होईल”,असे खासदार राजू शेट्टी यावेळी बोले आहे.
दरम्यान,डॉ. प्रकाश आंबेडकर म्हणाले की,”मनुवादी विचारसरणींचे लोक बहुजनांचा विचार करूच शकत नाही. बहुजनांवर वर्चस्व टिकवण्यासाठीच दाभोलकर, पानसरे, कलबुर्गी यांच्यासारख्या विचारवंतांच्या हत्या केल्या जात आहेत. जातीजातींमध्ये भांडणे लावली जात आहेत. याचबरोबर राज्यातील बहुजनवर्ग दुष्काळात होरपळतोय पण सरकराला मात्र दुष्काळ जाहीर करायचा नाही”.असे टीकास्त्र आंबेडकरांनी सरकारवर केले आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
