नवी दिल्ली | पश्चिम बंगालमधील भाजप अध्यक्ष अमित शहा यांच्या रथयात्रेला कोलकाता उच्च न्यायालयाच्या विभागीय खंडपीठाकडून परवानगी नाकारण्यात आल्यानंतर भाजपने याबाबत सर्वोच्च न्यायालयात दाद मागितली आहे. त्याचप्रमाणे याबाबत तात्काळ सुनावणी करण्यात यावी अशी मागणी देखील भाजपने सर्वोच्च न्यायालयाला केली आहे.
कोलकाता उच्च न्यायालयाने २० डिसेंबर रोजी अमित शहा यांच्या पश्चिम बंगालमधील रथयात्रेला परवानगी दिली होती. परंतु, २१ डिसेंबर रोजी मुख्य न्यायाधीशांच्या खंडपीठाने ही परवानगी रद्द केली होती. दरम्यान, आता भाजपकडून कोलकाता उच्च न्यायालयाच्या निर्णयाला आव्हान देणारी याचिका सर्वोच्च न्यायालयात दाखल करण्यात आल्याची माहिती सर्वोच्च न्यायालयाच्या रजिस्ट्रीने दिली आहे.
अमित शहा यांच्या रथयात्रेचे नाव ‘लोकशाही बचाव यात्रा’ असे असून ही रथयात्रा ४० दिवस पश्चिम बंगालमधील सर्व लोकसभा आणि विधानसभा मतदारसंघांमध्ये जाणार होती. पश्चिम बंगालमधील तीन ठिकाणांहून २२,२४ आणि २६ डिसेंबरला ही रथयात्रा निघणार होती. या रथयात्रेसाठी भाजपने जय्यत तयारी देखील केली होती, अशी माहिती मिळत आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
