पालघर | देशाचे लक्ष लागलेल्या पालघर लोकसभा पोटनिवडणुकीचा गुरुवारी निकाल लागला. कॉंग्रेस मधून भाजपात आलेले राजेंद्र गावित हे या निवडणूकीत भाजपाचे उमेदवार होते तर दिवंगत खासदार चिंतामण वनगा यांचे चिरंजीव श्रीनिवास वनगा यांना शिवसेनेने उमेदवारी दिली होती. त्यामुळे या चुरशीच्या लढतीकडे देशाचे लक्ष लागले होते.गुरुवारी लागलेल्या निकालानुसार राजेंद्र गावित यांना जवळपास २ लाख ७२ हजार ७८२ मते मिळवली तर दुसऱ्या क्रमांकावरील शिवसेनेच्या श्रीनिवास वनगा यांना सुमारे २ लाख ४३ हजार २१० मते मिळाली आहेत.
उमेदवारी अर्ज भरण्याच्या काही तासच आधी भाजपात आलेले तरीही लोकप्रिय म्हणून मतदानातून सिद्ध झालेले राजेंद्र गावित पालघर मध्ये जास्तीत जास्त मतांनी विजयी झाल्यामुळे राजकीय वर्तुळात चर्चेचा विषय ठरले आहेत. भाजपचे खासदार चिंतामन वनगा यांच्या निधनामुळे इथे पोटनिवडणूक घेण्यात आली होती. परंतु त्यांच्याच मुलाला शिवसेनेने उमेदवारी देऊनही जनतेने वनगांच्या बाजूने कौल न दिल्यामुळे ते ही तितकेच चर्चेचा विषय ठरले आहेत.
पालघरमध्ये गावित यांच्या विजयामुळे शिवसेनेला चांगलाच धक्का लागल्याचे चित्र सध्या पहायला मिळत आहे. विजयानंतर या ठिकाणी भाजपच्या कार्यकर्त्यांनी जल्लोषाला सुरुवात केली. परंतु, आजच भाजपचे वरिष्ठ नेते पांडुरंग फुंडकर यांचे निधनाझाल्यामुळे जल्लोष साजरा न करण्याचा आदेश पक्षाच्या वतिने देण्यात आले आहेत. गावित विजयी झाले असले तरी निवडणूक आयोगाकडून याबाबत औपचारिक घोषणा करणे बाकी आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
