बंगळुरु | जेडीएसचे एच डी कुमारस्वामींना बुधवारी कर्नाटकच्या मुख्यमंत्रीपदाची शपथ घेतली. विधानसभा निवडणुकीनंतर रंगलेल्या राजकीय नाट्यानंतर सस्था कोण प्रस्थापित करणार मुख्यमंत्री पद कोणत्या पक्षाकडे रहाणार यावर अखेर शिक्कामोर्तब झाले आहे. बुधवारी जेडीएसचे नेते एच डी कुमारस्वामी यांनी मुख्यमंत्री तर कॉंग्रेस नेते जी परमेश्वर यांनी कर्नाटकच्या उपमुख्यमंत्री पदाची शपथ घेतली.
राजकारणातील महत्त्वाच्या नेत्यांच्या उपस्थितीत बंगळुरुत बुधवारी भव्य असा हा शपथविधी सोहळा पार पडला. राज्यपाल वजूभाई वाला यांनी एच डी कुमारस्वामी आणि जी परमेश्वर यांना पद आणि गोपनियतेची शपथ दिली. भाजपाचे नेते येडियुरप्पा यांनी ५५ तासांचे मुख्यमंत्री पद भुषविल्यानंतर १९ मे रोजी त्यांनी पदाचा राजीनामा दिला होता. त्यानंतर बुधवारी औपचारिकरित्या कर्नाटकच्या मुख्यमंत्री पदाची शपथ घेतल्यानंतर काँग्रेस-जेडीएसचे सरकार सत्तेत आले आहे. या शपथविधी सोहळ्याला काँग्रेस अध्यक्ष राहुल गांधी, सोनिया गांधी, शरद पवार, ममता बॅनर्जींसह दिग्गज उपस्थित होते.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
