शिवाजी महाराजांचा अश्वारूढ पुतळा समुद्रात उभा करायचा हे तुमच्या समोर दाखवलेलं फक्त एक चित्र आहे. महाराजांचे खरे स्मारक हे गडकिल्ले आहेत. त्यांचे संगोपन करून त्यांचा इतिहास जगापुढे मांडता येईल. | राज ठाकरे
सातारा | ‘जनतेत सध्या अस्वस्थता दिसून येत असून त्यांची घुसमट होत आहे. जनतेला बदल हवा आहे. हा बदल येत्या आगामी निवडणुकीत पाहायला मिळणार आहे. त्यासाठी माझ्या हाती महाराष्ट्राची सत्ता द्या, मग बघा तुमची अस्वस्थता थांबेल, ’ असा दावा महाराष्ट्र नवनिर्माण सेनेचे अध्यक्ष राज ठाकरे यांनी केला.
केंद्र व राज्यात थापाड्यांचे सरकार आहे. जे खोटे बोलून मते मिळवून सत्तेवर आले आहेत. आतातर नमोरूग्ण पैदा झाले आहेत. त्यांची पाठराखण भाजप सरकार करत आहेत. राज्याचे मुख्यमंत्री देवेंद्र फडणवीस सरकार दररोज नवीन आकडे सांगत आहेत. मुख्यमंत्री होण्याआधी ते रतन खत्रीकडे कामाला होते का, असा सवाल मनसे अध्यक्ष राज ठाकरे यांनी केला.
जिल्हा परिषदेच्या यशवंतराव चव्हाण सभागृहात झालेल्या मेळाव्यात ठाकरे बोलत होते. माजी आमदार नितीन सरदेसाई, राज्य उपाध्यक्ष संदीप मोझर, अविनाश अभ्यंकर, अनिल शिदोरे, राजू पाटील, अभिजित पानसे, रिता गुप्ता, हाजी सैफ शेख, अविनाश जाधव, स्वाती शिंदे यांची प्रमुख उपस्थिती होती.
‘२०१४ मध्ये मोदींची लाट होती पण, ती आता राहिलेली नाही. त्यामुळे मी मोदींना गुजरातचे पंतप्रधान मानतो, ते देशाचे पंतप्रधान आहेत असे मी मानत नाही. तसेच भाजपच्या सरकारमध्ये जातीय दंगली होतील, असे मी भाकीत केले होते. तसेच होत असून पुढील सहा महिन्यातआणखी जातीय दंगली होतील. संपूर्ण महाराष्ट्रात अस्वस्थता पसरली असून ही अस्वस्थता घालवण्यासाठी महाराष्ट्राची सत्ता एकदा माझ्या हाता द्यावी’ असे आवाहन राज ठाकरे यांनी यावेळी केले. ठाकरे हे सध्या पश्चिम महाराष्ट्राच्या दौऱ्यावर असून यावेळी ते पत्रकारांशी संवाद साधत होते.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
