मुंबई । “महाराष्ट्राच्या लेकीला कुणी हात जरी लावला, तर गाठ माझ्याशी, असे राष्ट्रवादी काँग्रेसच्या खासदार सुप्रिया सुळेनी भाजपचे आमदार राम कदम यांना खडसावले आहे. सुप्रिया सुळे यांनी इंदापूर आणि दौंडच्या दौ-यावर असून या दरम्यान एका कार्यक्रमात राम कदम यांनी दहीहंडीच्या कार्यक्रमात बेताल वक्तव्याचा खरपूस समाचार घेतला आहे.
पुरोगामी महाराष्ट्रात एक आमदार महिलांना आणि मुलींना पळवून नेण्याची भाषा करत असेल, तर यासारखा काळा दिवस महाराष्ट्राच्या इतिहासात नाही. परंतु संघर्षाची वेळ आल्यास याच सावित्रीची लेक झाशीची राणी झाल्याशिवाय राहणार नसल्याचे सुप्रिया सुळे यांनी म्हटले आहे.
आ. राम कदम यांच्या महिलांविषयी अश्लाघ्य वक्तव्यावर अद्याप मुख्यमंत्र्यांची प्रतिक्रिया नाही. यावरून राम कदम प्रवृत्तीला भाजपाची मूकसंमती आहे असे समजावे का?#जवाबदो @CMOMaharashtra @Dev_Fadnavis @raosahebdanve @ramkadam @BJP4Maharashtra pic.twitter.com/pqPN1A6KdF
— Supriya Sule (@supriya_sule) September 7, 2018
तसेच सुप्रिया सुळे यांनी ट्विट करत “आमदार राम कदम यांच्या महिलांविषयी अश्लाघ्य वक्तव्यावर अद्याप मुख्यमंत्र्यांची प्रतिक्रिया नाही. यावरून राम कदम प्रवृत्तीला भाजपाची मूकसंमती आहे असे समजावे का?” असा सवाल उपस्थित करून #जवाबदो हॅश टॅग देत मुख्यमंत्र्यांना उत्तर विचारले आहे.
नेमके राम कदम काय म्हटले?
“तुमचे आईवडील म्हटले, साहेब आम्हालाही पोरगी पसंत आहे,तर काय करणार मी? तिला पळवून तुमच्याकडे आणणार, असे विवादीत विधान केले.”
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
