नवी दिल्ली | श्री रामप्रभुंचे भक्त असलेल्या हनुमान यांच्या जातीवरील चर्चेला राजकीय दृष्ट्या विषेश महत्व दिल्याचे पहायला मिळत आहे. सध्या हनुमान यांच्या जातीमुळे गोंधळ निर्माण झालेला पहायला मिळत आहे. या वादात आणखी एका नेत्याने उडी घेतली आहे. माजी क्रिकेटपटू आणि उत्तर प्रदेशचे मंत्री चेतन चौहान यांनी हनुमान हे खेळाडू होते, असे म्हटले आहे. एका कार्यक्रमावरील चर्चेत हनुमान यांच्यावरील चर्चासत्रात ते बोलत होते.
हनुमान कोण होते, याबाबत बोलताना चौहान यांनी त्यांच्या जातीचा उल्लेख केला नाही. मात्र, हनुमान कुस्ती खेळत होते, ते एक खेळाडू होते. जे पैलवान आहेत, ते सर्वच हनुमानाची पूजा करतात. त्यामुळे मी ही त्यांना तेच मानतो, ते माझ्यासाठी पूजनीय आहेत. देवाची कुठलिही जात-पात नसते, त्यामुळे मी त्यांना कुठल्याही जातीच्या चौकटीत बांधू इच्छित नाही, असे चौहान यांनी म्हटले आहे.
UP Min & Former India cricketer Chetan Chauhan in Amroha yesterday: Hanuman ji kushti ladte the, khiladi bhi the, jitne bhi pehlwan log hain unki pooja karte hain, main unko wahi manta hun, humare isht hain, bhagwan ki koi jaati nahi hoti. Main unko jaati main nahi baantna chahta pic.twitter.com/Q1lburIFMu
— ANI UP/Uttarakhand (@ANINewsUP) December 23, 2018
दरम्यान, यापूर्वी उत्तर प्रदेशचे मुख्यमंत्रीयोगी आदित्यनाथ यांनी हनुमान हे दलित होते, असा दावा केला होता. तर, भाजपा आमदार बुक्कल नवाब यांनी हनुमान हे मुस्लीम होते, असे म्हटले आहे. तसेच योगी कॅबिनेटमधील आणखी एक मंत्री चौधरी लक्ष्मी नारायण यांनी हनुमान हे जाट समाजाचे होते, असा दावा केला आहे. आगामी निवडणुकीच्या पार्श्वभूमीवर जातीचे राजकारण करताना राम मंदीर बनेल की नाही ही शंका आहे. परंतु आगामी काळात हनुमानाविषयी रामायण होईल यात काहीही शंका नाही.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
