नवी दिल्ली | जेएनयूच्या विद्यार्थी संघटनेचा माजी अध्यक्ष आणि विद्यार्थी नेता कन्हैय्या कुमार हे आता निवडणुकीच्या रिंगणात उतरणार आहेत. एका हिंदी वृत्तवाहिनीच्या वृत्तानुसार, कन्हैय्या कुमार २०१९च्या लोकसभा निवडणूक लढवणार असल्याची माहिती मिळत आहे. कन्हैया कुमार बिहारमधील बेगुसराय लोकसभा मतदारसंघातून आपली पहिली लोकसभा निवडणूक लढवणार आहेत.
बिहारमधील बेगुलसराय या लोकसभा मतदारसंघात भाजपचे वर्चस्व लक्षणीय आहे. कन्हैय्या कुमार हे काँग्रेस, राजद आणि डाव्या संघटना या महाआघाडीचा उमेदवार असणार आहेत. लालू प्रसाद यादव यांच्याकडूनही त्यांना समर्थन मिळाल्याची माहिती मिळत आहे. त्याचप्रमाणे या लोकसभा निवडणुकीत बेगुसरायमधून कन्हैय्या कुमार यांना सर्व डाव्या संघटनांचा मोठा पाठिंबा मिळाला असल्याची माहिती समोर आली आहे. मात्र अजूनपर्यंत याबाबत कन्हैया कुमार यांच्याकडून कोणतीही अधिकृत घोषणा झालेली नाही.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
