नवी दिल्ली । काँग्रेसच्या पूर्व उत्तर प्रदेशच्या महासचिव प्रियांका गांधी यांच्या उत्तर प्रदेशमधील रथयात्रेची सुरुवात अयोध्येतील हनुमान गढीतील पूजेने होणार असल्याची माहिती मिळत आहे. बुधवारी (२७ मार्च) त्यांच्या या रथयात्रेला सुरुवात होईल. या रथयात्रेत प्रियांका गांधी फैजाबाद, सुलतानपूर, अमेठी, रायबरेली व उन्नाव या मतदारसंघांत जाणार आहेत.
प्रियांका गांधी यांचा हा दौरा ३ दिवस चालणार असून या दरम्यान ३२ ठिकाणी त्या जनतेशी संवाद साधणार आहेत. अयोध्येतील हनुमान गढीतून त्यांच्या रथयात्रेला सुरुवात होईल. त्यामुळे प्रियांका गांधी यांच्या या दौऱ्यांची प्रचंड चर्चा आहे. प्रियांका गांधी यांचा हा दौरा सुरू होण्यापूर्वीच ठिकठिकाणी बॅनरबाजीला सुरूवात झाली आहे. या बॅनर्सवर प्रियांका गांधी आणि काँग्रेस अध्यक्ष राहुल गांधी यांचा उल्लेख ‘रामभक्त’ असा करण्यात आला आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
