मुंबई | मुख्यमंत्री देवेंद्र फडणवीस हे मराठा आरक्षणाचा एटीआरच (अॅक्शन टेकन रिपोर्ट ) उद्या (२८ नोव्हेंबर) विधानसभेत मांडणार आहे. मराठा आरक्षणाचा हा वाद संपत नसल्यामुळे आज(२७ नोव्हेंबर) मुख्यमंत्र्यांनी सर्वपक्षीय नेत्यांची बैठक घेतली. या बैठकीत दोन्ही बाजूंनी आपली मते मांडली. यावर जोरदार जुंपली आहे. मुख्यमंत्री आणि विरोधक त्यांच्या भूमिकांवर शेवटपर्यंत ठाम राहिले.
विरोधक गायकवाड समितीचा अहवाल सादर करण्याची आक्रमक मागणी करत आहेत. तर सत्ताधारी अहवाल नाही तर एटीआरच (अॅक्शन टेकन रिपोर्ट ) सादर करण्यावर ठाम आहेत. या संदर्भात घेण्यात आलेल्या मुख्यमंत्री आणि सर्व पक्षीय नेत्यांच्या बैठकीत विरोधक-सत्ताधाऱ्यांमध्ये जोरदार जुंपली आहे. परंतु दोघेही आपल्या भूमिकेवर ठाम राहिल्याने काहीच निष्पन्न झाले नाही.
मराठा आरक्षणाचे विधेयक २८ नोव्हेंबरला विधीमंडळाच्या दोन्ही सभागृहात ठेवण्याचा निर्णय मंत्रिमंडळाच्या उपसमितीने सोमवारी घेतला आहे. गायकवाड समितीचा अहवाल आणि शिफारशींवर सरकारने काय कार्यवाही दिली याची माहिती देणारा अॅक्शन टेकन रिपोर्ट विधेयकासोबत सादर करणार असल्याची माहितीही यावेळी मुख्यमंत्र्यांनी दिली.
परंतु गायकवाड समितीने मराठा आरक्षणासंदर्भात दिलेला अहवाल विधानसभेत सादर करा, अशी मागणी विरोधक करत आहेत. याआधी देण्यात आलेले मराठा आरक्षण उच्च न्यायालयाने रद्द केले होते. त्यामुळे मागासवर्ग आयोगाच्या अहवालावर सखोल चर्चा करून न्यायव्यवस्थेत टिकेल असे विधेयक पारित करण्याची गरज आहे. यासाठीच विधानसभेत अहवाल सादर करावा अशी विरोधकांची भूमिका आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
