Connect with us

राजकारण

#MarathaReservation : आरक्षणाला स्थगिती देण्यास उच्च न्यायालयाचा स्पष्ट नकार

News Desk

Published

on

मुंबई | मराठा आरक्षणाला स्थगिती देण्यास मुंबई उच्च न्यायालयाने तूर्तास नकार दिला आहे. अॅड. गुणरत्न सदावर्ते यांच्या मराठा समाजाच्या आरक्षणाला आव्हान देणाऱ्या याचिकेवर अद्याप कोणताही निर्णय देण्यात आलेला नाही. दरम्यान, १० डिसेंबरपर्यंत या याचिकेवरील सुनावणी तहकूब करण्यात आली आहे. सोमवारी (१० डिसेंबर) अॅड. गुणरत्न सदावर्ते यांच्या याचिकेसह यासंदर्भातील अन्य याचिका देखील निकाली काढण्यात येतील.

या सर्व याचिकांवरील सुनावणी मुख्य न्यायाधीशांच्या खंडपीठासमोर होणार आहे. आज मराठा आरक्षणाविरोधात न्यायालयात रिट याचिका दाखल करणाऱ्या अॅड.जयश्री पाटील यांचे वकील अॅड.गुणरत्न सदावर्ते आज न्यायालयात अनुपस्थित राहिल्याने मराठा आरक्षणावर तातडीने सुनावणी घेण्यास उच्च न्यायालयाने नकार दिला होता. मात्र, दुपारी ३ वाजता न्यायालयाने यावरील सुनावणी पूर्ण केली.

राज्यात मराठा समाजाच्या आरक्षणासाठीची संवैधानिक आणि प्रशासकीय प्रक्रिया पूर्ण झाली असून या विधेयकाचे कायद्यात रूपांतर करण्यात आले आहे. मराठा समाजाच्या आरक्षणाचा कायदा १ डिसेंबर २०१८ पासून संपूर्ण राज्यभरात लागू करण्यात आला आहे. दरम्यान, परंतु तरीही कोणत्याही संस्था, संघटनकडून न्यायालयात या आरक्षणाविरोधात आव्हान याचिका दाखल केली जाऊ शकते ही शक्यता लक्षात घेऊन राज्य सरकारने सोमवारी (३ डिसेंबर) सर्वोच्च न्यायालयात कॅव्हेट दाखल केले.

राजकारण

अहमदनगर महानगरपालिकेमध्ये त्रिशंकू अवस्था

News Desk

Published

on

अहमदनगर | अहमदनगर महापालिकेत कोणत्याच पक्षाला स्पष्ट बहुमत मिळलेले चित्र दिसत नाही. काँग्रेस-राष्ट्रवादी काँग्रेस आघाडी आणि शिवसेनेमध्ये काँटे की टक्कर पाहायला मिळत आहे. काँग्रेस-राष्ट्रवादी आघाडी २३ जागा, शिवसेना २४, भाजप १४ आणि इतरांना ७ जागा मिळाल्या आहेत. भाजप आणि शिवसेना एकत्र आल्‍यास युतीची सत्ता येईल. अहमदनगरमध्ये महानगरपालिकेत एकूण ६८ जागांसाठी निवडणूक झाली असून सत्ता स्थापन करण्यासाठी बहुमताचा आकडा ३५ आहे.

त्यामुळे अहमदनगरच्या महापालिकेत नेमकी कोणा सत्ता येणार हे पाहणे औत्सुक्याचे ठरणार आहे. सत्तास्थापनेसाठी अहमदनगरमध्ये शिवसेना आणि भाजपला आघाडी करावी लागण्याची शक्यता आहे. अहमदनगर निवडणुकीतला सर्वात धक्कादायक निकाल म्हणजे शिवरायांबद्दल अपशब्द वापरणारा श्रीपाद छिंदम दोन हजार मतांनी विजयी झाला आहे. दरम्यान महापालिका त्रिशंकू झाल्यास महापौरपदासाठी घोडेबाजाराची परंपरा कायम राहणार असल्याचे चित्र दिसत आहे

Continue Reading

राजकारण

अहमदनगरमध्ये महानगरपालिकेच्या मतदान केंद्राबाहेर लाठीचार्ज

News Desk

Published

on

अहमदनगर | अहमदनगर महापालिकेच्या निवडणुकीसाठी मतमोजणी सुरू असताना मत मोजणी केंद्राबाहेर मोठ्या प्रमाणात गर्दी झाल्याने पोलिसांनी जोरदार लाठीचार्ज केला. पोलिसांच्या अंगावर रंग उधळल्यामुळे हा लाठीचार्ज सांगितल्याची सत्रांकडून माहिती मिळाली आहे.

मत मोजणी केंद्राबाहेर हजारो संख्येने लोकांचा समुदाय जमला होता. उमेदवार निवडून येताच कार्यकर्ते जल्लोष उद्देशाने  जमा झाले होते. त्याचवेळी एका उमेदवाराच्या निवडीचा जल्लोष सुरू असताना काही पोलिसांच्या अंगावर रंग पडला. त्यामुळे पोलिसांनी जोरदार लाठीचार्ज केला. लाठीचार्ज होताच जमावाने मिळेल त्या दिशेने पळ काढला. या लाठीचार्ज काहीजण जखमी झाले असून मत मोजणी केंद्राबाहेर चपलांचा खच पडल्याचे चित्र दिसून येते.

Continue Reading

HW Marathi Facebook

December 2018
M T W T F S S
« Nov    
 12
3456789
10111213141516
17181920212223
24252627282930
31  

महत्वाच्या बातम्या