मुंबई | मनसे नेते आणि विद्यार्थी सेनेचे अध्यक्ष अमित ठाकरे (Amit Thackeray) हे सध्या पश्चिम महाराष्ट्राच्या दौऱ्यावर आहेत. अमित ठाकरे हे आज (29 जानेवारी) साताऱ्यात आहेत. यावेळी अमित ठाकरेंनी भाजपचे खासदार उदयनराजे भोसले (Udayanraje Bhosale) यांची सदिच्छा भेट घेतली आहे. या भेटीदरम्यान अमित ठाकरे आणि उदयनराजे यांच्यात अनेक विषयांवर चर्चा झाली आहे. परंतु, अमित ठाकरे आणि उदयनराजे यांच्या भेटीच्या चर्चा राजकीय वर्तुळात रंगल्या आहेत.
मनसेचे सध्या राज्यभरात महासंपर्क अभियान सुरू आहे. या पार्श्वभूमीवर अमित ठाकरे पश्चिम महाराष्ट्राच्या दौऱ्यावर आहेत. साताऱ्यातील कर्मवीर भाऊराव पाटील यांच्या समाधी स्थळाची देखील अमित ठाकरेंनी भेट देत पश्चिम महाराष्ट्राच्या दौऱ्याला सुरुवात केली आहे. अमित ठाकरे हे सातारा दौऱ्यादरम्यान मनसे विद्यार्थी आणि पदाधिकाऱ्यांशी संवाद साधणार आहेत. अमित ठाकरे हे साताऱ्यात पक्षाची मोर्चे बांधणी करण्यासाठी पश्चिम महाराष्ट्राचा दौरा महत्त्वाचा मानला जात आहे.
महाराष्ट्र नवनिर्माण विद्यार्थी सेना अध्यक्ष श्री अमित ठाकरे यांनी आज जलमंदिर पॅलेस निवासस्थानी भेट घेतली. यावेळी विविध विषयांवर सविस्तर चर्चा झाली व श्री अमित यांना पुढील वाटचालीस शुभेच्छा दिल्या. pic.twitter.com/VwPzoZqxVd
— Chhatrapati Udayanraje Bhonsle (@Chh_Udayanraje) January 29, 2023
उदयनराजे भोसलेंनी अमित ठाकरेसोबत झालेल्या भेटीबद्दल बोलताना म्हणाले, “अमित ठाकरे घरी आल्यावर मला माझा मुलगा घरी आल्यासारखे वाटले. अमित ठाकरेसारख्या तरुण नेत्यांनी पुढे आले पाहिजे. या माध्यमातून लोकांची सेवा केली. तर ठाकरे घराण्याचा इतिहास मोठा आहे.”
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
