नवी दिल्ली | “गुजरातमध्ये मुस्लिमांची परिस्थिती इतर राज्यांपेक्षा खूप चांगली आहे”, असा दावा गुजरातचे मुख्यमंत्री विजय रुपाणी यांनी केला आहे. सच्चर समितीच्या अहवालाचा दाखल देत विजय रुपाणी म्हणाले कि, “भाजपची सत्ता असणाऱ्या गुजरातमध्ये मुस्लिमांची परिस्थिती इतर राज्यांच्या तुलनेत खूप चांगली आहे”.
विजय रुपाणी यांनी २६ डिसेंबर २०१७ रोजी गुजरातच्या मुख्यमंत्री पदाची शपथ घेतली होती. त्याला आज (२६ डिसेंबर) १ वर्ष पूर्ण होत आहे. गुजरातच्या मुख्यमंत्रीपदी विराजमान होऊन आज एक वर्ष पूर्ण झाल्याच्या निमित्ताने विजय रुपाणी यांच्याकडून तब्बल ६६६ कोटींच्या योजनांची घोषणा करण्यात आली आहे.
मुख्यमंत्री विजय रुपाणी यांनी यावेळी काँग्रेसवर देखील सडकून टीका केली आहे. “काँग्रेसकडून कायमच हिंदू आणि मुस्लिम समाजात मतभेद निर्माण करण्याचा प्रयत्न केला जातो”, असा आरोप देखील विजय रुपाणी यांनी केला. ते राज्य वक्फ बोर्डाच्या कार्यालयाच्या उद्घाटन समारंभात बोलत होते.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
